2 तीमोथियुस 2:14 - पुना गच्छरना NT (BSI)

¹⁴ नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 2:14 Iomraidhean Croise

मत्तायोस 16:26

ओन्‍टा आलस ई ख़ॆख़ेल ता उर्मी जिनिसन अर्ज'ओस, अरा धर्मेस गने जनमजुग ही उज्‍जनन एबस'ओस होले, आस गे एन्‍देर नाफा मनो? आलस एबस्रका उज्‍जनन फेन ख़क्‍खा गे ऊजी नू एन्‍दरन हूँ चि'आ पोल्‍दस।

त‍इरकर 13:10

अरा बाचस, “नीन नाद ही ख़द्दय, अरा नीन चतरा अरा कटरहा ती निन्‍दका र'अदय, अरा उर्मी रकम ही दौ नलख ही बैरी हिकदय, अरा नीन उर्मी बारी उर्बासी उजगो डहरे गुट्ठिन बगड़'आ गे चिहुट नन्‍दय।

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

रोमी 14:1

एकास पत्त'अना नू पयहा र'अदस आसिन इंझ्र'आ, लिकिन आसी जिया ही ठुकठुकरना म‍इय्याँ अमा नग्‍गानखर'आ।

गलातिया 1:7

नन्ना दौ कत्‍था गा र'अम मलकी। लिकिन कैनो आलर एन्ने र'अनर का आर निमन अकबकाब'अनर ती मसीसी दौ कत्‍थन बगड़'आ बेद्दालनर।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

1 तीमोथियुस 1:6

लिकिन जोक्‍क आलर इदिन अम्‍बियर ती अनभनियाँ कछनख्रना गुट्ठी नू एबस्रकानर।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।

1 तीमोथियुस 5:21

धर्मेस अरा मसी येसुस अरा चज्जिका मेर्ख़ा पैकर ही मुन्‍दहारे ऎन निंगन तिगाब'अदन का नीन जियन तिसग‍'अर इबड़ा कत्‍था गुट्ठिन मनके, अरा एक‍अम नलखन भितरी बहरी अमके नना।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

2 तीमोथियुस 1:6

ऎन निंगन सोचत'अदन का ऎन निंग्‍है म‍इय्याँ ख़ेक्खा उइय्यो बारी धर्मेस ती निंगा ख़क्ख्रका सवंग आबोन बॆस बड़ियर लगे ब‍उर'आ।

2 तीमोथियुस 2:16

लिकिन महबा मलका ब'अना ती बछ्रका र'आ। एन्‍देरगेका ईद आलारिन धर्मेस ती अउर हूँ गेच्‍छा ननी चि'ई।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

2 तीमोथियुस 4:1

ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

2 पतरस 1:13

नम्है उर्बस येसु मसीस एंगन दहदर नंजका ती ऎन अख़दन का एंगा चाँड़हेम कुम्‍बा लेक्खा ई मॆदन अम्बना मनो। औंगे एका गूटी ऎन उज्जा लगदन आ गूटी निमन एन्ने सुरता नन्त'ओन। एंग्है अख़ना नू ईद बॆस र'ई।