2 तीमोथियुस 2:12 - पुना गच्छरना NT (BSI)

¹² नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

2 तीमोथियुस 2:12 Iomraidhean Croise

मत्तायोस 10:33

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ मेर्ख़ा नू र'ऊ एंग्‍है बंगासी मुन्‍दहारे आस एंग्‍है आलस मलदस ब'ओन।

मत्तायोस 26:35

पतरस आसिन बाचस, “एंगा निंग्‍है गने खे'अना मनो दिम होले हूँ, ऎन इकला हूँ निंगन बलदन मल ब'ओन।” एन्नेम नन्ना ओर्मा चेलर हूँ बाचर।

मत्तायोस 26:75

ख़ने पतरस गे येसुसी आ बाचका कत्‍था सुरता बरचा, “ख़ॆर चींख़ना ही मुन्‍द नीन तीन हॆल ऎन निंगन बलदन ब'ओय।” अरा आस बहरी केरस ती चींख़ियस।

मरकुस 10:33

“ऎरा, नाम येरुसलॆम कालालदत। मनवा ख़द्दन ऎन असन मुध नैगर अरा नॆग सिखाब'उर ती हॆंर'ओन। अरा आर एंगन बदी ननोर अरा एंगन पिटा बेद्दोर अरा नॆ यहूदी मलनर आर ही ख़ेक्खा नू चि'ओर।

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

लू‍कस 12:9

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ धर्मेसी पैकर ही मुन्‍दहारे आस एंग्‍है आलस मलदस ब'ओन।

लू‍कस 22:29

ख़ने एंग्‍है बंगस आसी आलारिन राजी नना गे एंगा आकुस चिच्‍चस, अन्नेम ऎन हूँ निमा गे आकुस चि'अदन।

लू‍कस 22:30

अरा एंग्‍है राजी नन्ना उल्‍ला नू नीम एंग्‍है गने ओना मॊख़ा ओक्‍कोर। अरा नीम बॆल-गद्दी नू ओक्‍कोर ती इस्राऎल ही बारा गोतरन नेंवई ननोर।”

लू‍कस 9:26

नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ ‘ईस एंग्‍है चेलस हिकदस’ एन्ने ब'आ गे लजर'ओन, इकला ऎन नेम्हा मेर्ख़ा पैकर गने एंग्‍है महबा अरा एम्‍बासी महबा नू किर्रोन।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

रोमी 5:17

ओर्त आलस पाप नंजस, ई ओर्त आलस चड्डे खे'अना ओर्मा आलर म‍इय्याँ राजी नंजा। लिकिन एका ओर्तर एका बग्‍गे धर्मेसी भरपूर मया अरा आसी इनाम ही उजगो आबोन ख़क्‍खनर, आर मानिम नू मानी उज्जनन ख़क्‍ख्रकी ओर्त आलस येसु मसीस ती राजी ननोर।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

फिलिप्‍पी 1:28

अरा ऎन अख़दन का, एकअम कत्‍था नू हूँ निम्है बिड़दो र'उर ती नीम मल एल्‍चदर। ईद आर गे नठारना ही चिन्‍हा हवे, लिकिन निमा गे गा नाड़रनन ख़क्खा गे चिन्हा हवे। अरा ईद धर्मेस तरती मनो।

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 20:4

फेन ऎन बॆल-गदिया गुट्ठिन अरा नेंवई नना गे अदिया चीतारका आलारिन अइय्या उक्का ईरकन। अरा नॆख'आ कुक्‍कु येसुसी पत्त नू गोवाह चि'अना चड्डे अरा धर्मेसी कत्‍थन तेंगा कुद्दना चड्डे एड़बताचका आलर ही बॊलता गुट्ठिन हूँ ऎन ईरकन। आर आ मेक्‍खो ही मलता अदही मूर्ती ही ऒड़ मल नंजकाचर, अरा तम्है कपड़े नू मलता ख़ेक्खा नू अदही छपा मल होच्‍चका रहचर। आर उज्‍जा चोचर ती बॆलर लेक्खा मसीस गने ओन हजार बछर गे राजी नंजर।

दहदर मंजका कत्‍था 20:6

एकार ई पहिल उज्‍जा चो'अना नू मेस्रनर, आर आसीस ख़क्‍खू अरा नेम्‍हा आलर र'अनर। एन्ने आलर ही मइय्याँ दुसर खे'अना ही अदिया मल मनी। आर धर्मेसी अरा मसीसी नैग मनोर, अरा आर आसी गने ओन हजार बछर गे राजी ननोर।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।

दहदर मंजका कत्‍था 3:8

ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।

दहदर मंजका कत्‍था 5:10

अरा नीन आरिन एम्है धर्मेस गे तेतर-सुसर नना गे ओन्टा राजी अरा नैगर कमचकादय, अरा आर ख़ॆख़ेल नू राजी ननोर।”