2 तीमोथियुस 1:8 - पुना गच्छरना NT (BSI)

⁸ औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

2 तीमोथियुस 1:8 Iomraidhean Croise

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

लू‍कस 9:26

नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ ‘ईस एंग्‍है चेलस हिकदस’ एन्ने ब'आ गे लजर'ओन, इकला ऎन नेम्हा मेर्ख़ा पैकर गने एंग्‍है महबा अरा एम्‍बासी महबा नू किर्रोन।

यॊहनस 15:27

अरा नीम हूँ एंग्‍है पत्त नू गोवाह चि'अना र'ई, एन्‍देरगेका ऒड़ तिम नीम एंग्‍है गने रहचकादर।

यॊहनस 19:35

(एकास इदन ईरियस आस गोवाह चि'अदस, अरा आसी गोवाह मानिम र'ई। आस अख़दस का आस मानिम ब'अदस। नीम हूँ पत्त'आ गे दिम आस इदन गोवाह चि'अदस।)

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

रोमी 8:36

एकासे का नेम्‍हा पुथी नू लिख्रकी र'ई, “निंगा चड्डे गा ऎम गोट्टा उल्‍ला नू खे'अना ही अपलोक नू र'अदम, अरा आलर ती ऎम पिटरना भेंडो लेक्‍खा बुझुरदम।”

रोमी 9:33

एकासे नेम्‍हा पुथी नू लिख्रकी र'ई, “ऎरा, ऎन येरुसलॆम नू ओन्‍टा पखना उइय्‍कन आद आलारिन मूड़त'ओ, ईद आरिन टिड़ना ही चचड़ी हवे। लिकिन नॆ आसी म‍इय्याँ पत्त'ओर आर लज्‍जे मल मॊख़र'ओर।”

1 कोरिन्‍थ 1:6

एन्‍देरगेका मसीसी पत्त ता एम्‍है गोवाह निमा नू पखड़ ईथरकीचा।

2 कोरिन्‍थ 6:7

मानी कत्थन तेंगा कुद्दना नू, धर्मेसी सवंग नू, अरा उजगो ही कमहड़न तीना अरा डेब्‍बा ख़ेक्खा नू धरना नू ऎम एम्है गोवाह आबोन ऎद्ददम।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 3:13

औंगे ऎन निमन ने'अदन का ऎन सस्ती सारना ती नीम पैहा अम्के मना, अबड़ा निमा दौ गे मनी।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

फिलिप्‍पी 4:13

एंगा पया चि'ऊ मसीस ती ऎन उर्मिन नना ओंग्दन।

कोलोस्से 1:11

अरा धर्मेस तंग्है कोड़हे सवंग ही लेक्खा उर्मी सवंग गने निमन बड़ियर कम'ओस, होले नीम उर्मी रकम ही सहना अरा खतिर नन्नन ख़क्खोर,

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 3:4

अन्‍ति निम्‍है गुसन रहचकम ख़ने, निमन घड़ी घड़ी ब'आ लिक्‍कम, का नमा गे खिलपत मन्ना दिम र'ई। अरा एन्ने मंजकी र'ई अदिन नीम अख़दर।

1 तीमोथियुस 2:6

आस तंगन ओर्मा आलारिन नाड़रना ही दामे नू चिच्‍चस, ई कत्‍था दिम धर्मेस ती आलर गे ठौका बेड़ा नू चितारा।

2 तीमोथियुस 1:10

लिकिन अक्‍कु नम्‍है बछाब‍'ऊ मसी येसुसी दहदर मन्ना ती ई मया आबोन ऎदस, नॆ खे'अना ही सवंग आबोन नठाबाचस, अरा दौ कत्‍था ती उज्‍जना अरा कया मल नठारनन ऎदस।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

2 तीमोथियुस 1:16

ओनेसिफोरुसी एड़पातर म‍इय्याँ धर्मेसी कोड़हे सोग्‍गे मनन नेक‍अन। एन्‍देरगेका ऎन जेहेल नू रहचकन ख़ने हूँ बिगर इल्चका ती एंगन आस नगदे हॆल बरचस ती ईरयस अरा एंग्‍है जियन बोधा बाचस।

2 तीमोथियुस 2:3

मसी येसुसी बॆस लड़ाई ननू सैनस लेक्खा एम्‍है गने दुक्‍खे सार'आ।

2 तीमोथियुस 2:8

सगरो सोच नना का येसु मसीस दाऊद बॆलासी बनस नू बरचस। आस केचका ती उज्‍जा चॊचस। ईदिम एंग्‍है मेन्‍त'अना दौ कत्‍था।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,

दहदर मंजका कत्‍था 1:2

यॊहनस धर्मेसी कत्‍था ही पत्त नू अरा येसु मसीसी गोवाह ही पत्त नू तान ईरका उर्मी ही गोवाह चिच्‍चस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”