2 तीमोथियुस 1:6 - पुना गच्छरना NT (BSI)

⁶ ऎन निंगन सोचत'अदन का ऎन निंग्‍है म‍इय्याँ ख़ेक्खा उइय्यो बारी धर्मेस ती निंगा ख़क्ख्रका सवंग आबोन बॆस बड़ियर लगे ब‍उर'आ।

2 तीमोथियुस 1:6 Iomraidhean Croise

लू‍कस 19:13

आस काना ती मुन्‍द तंग्‍है दस जॊंख़ारिन मीख़ियस अरा आर गे दस गोटंग मोहोर चिच्‍चस ती बाचस, ‘एंग्‍है किर्ना गूटी ख़ेन्‍दके पिटके।’

त‍इरकर 19:6

अरा पौलुस आर ही म‍इय्याँ ख़ेक्खा ओक्‍ताचस ख़ने, आर ही म‍इय्याँ नेम्‍हा बॊलतस इत्तियस, अरा आर नन्ना नन्ना भखा कछनख्र'आ हेलरर अरा धर्मेसी कत्‍थन मुन्द तेंगा हेलरर।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

1 थेस्‍सलोनिकॆयर 5:19

नेम्‍हा बॊलतासी नलखन अमके छेंका मना।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

2 तीमोथियुस 2:14

नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

यहूदा 1:5

इबड़ा उर्मी कत्थन नीम मुन्द दिम अक्का र'अदर। अन्नु हूँ ऎन निमा गे इदन सुरता नन्त'अदन का उर्बस तंग्हा चज्जिका इस्राऎल आलारिन मिसर राजी नू आर ही जॊंख़ ही दसा ती बहरी ओन्द्रस ती नाड़ियस, लिकिन ख़ॊख़ा नॆ मल पत्ताचर आरिन नठाबाचस।