2 तीमोथियुस 1:16 - पुना गच्छरना NT (BSI)

¹⁶ ओनेसिफोरुसी एड़पातर म‍इय्याँ धर्मेसी कोड़हे सोग्‍गे मनन नेक‍अन। एन्‍देरगेका ऎन जेहेल नू रहचकन ख़ने हूँ बिगर इल्चका ती एंगन आस नगदे हॆल बरचस ती ईरयस अरा एंग्‍है जियन बोधा बाचस।

2 तीमोथियुस 1:16 Iomraidhean Croise

मत्तायोस 25:17

एन्नेम ऎंड़ थइला सोना ढिबा ख़क्‍खकाचस, आस हूँ ऎंड़ थइला सोना ढिबा अउरिम अर्जाचस।

मत्तायोस 5:7

नॆ सोग्‍गे ऎरनर, आरिन धर्मेस आसीस ननोस, आर मइय्‍याँ हूँ सोग्‍गे ऎरतार'ओ।

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

1 कोरिन्‍थ 16:18

अरा आर निम्‍है बॊलतन एकासे रिझाबाचर अन्नेम एंग्‍है बॊलतन रिझाबाचर। ई बेसे आलारिन मान चि'आ।

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

2 तीमोथियुस 1:17

आस रोम नगरे नू बरचस ख़ने, एंगन नगदे तिहा ती बिद्दयस ती एंगन ख़क्‍खियस।

2 तीमोथियुस 1:18

रायबड़ी उल्‍ला नू उर्बस आसी म‍इय्याँ कोड़हे सोग्‍गे नन्‍दस नेक‍अन। आस एंगा गे एका एका दौ नलखन इफेसुस नगरे नू नंजस, अदिन हों नीन बॆस अख़दय।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

2 तीमोथियुस 4:19

प्रिसका अरा अकुलास गे अरा ओनेसिफोरुसी एड़पातर गे एंग्‍है मोंजरा।

फिलॆमॊन 1:20

औंगे अना भई, नीन एंगा गे ई संगरा आबोन नाम उर्बा मसीस नू भईर र'अना चड्डे नना। नीन मसीस नू एंग्‍है जियन हरियर नना चि'आ।

फिलॆमॊन 1:7

अना एंग्है भई, नीन नेम्हा आलर ही जियन हरियर नंजका र'अदय। निंग्‍है चोन्‍हा एंगा गे हूँ कोड़हे रिझ अरा जिया सालनन चिच्की र'ई।

इब्रानी 10:34

अरा नीम हॆंरका आलर ही दुक्‍खे नू हूँ दुक्‍खे सारचकर। अरा इकला निम्‍है ओर्मा खुर्जी निम्‍है ती होरा, अदिन नीम रिझ गने इंझ्रकर, एन्‍देरगेका नीम अक्‍कर का इबड़ा ती कोड़हे बॆस अरा उर्मी उल्‍ला मल नठार'ऊ खुर्जी निमा गे ख़क्ख्र'ऊ र'ई।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।