2 तीमोथियुस 1:12 - पुना गच्छरना NT (BSI)

¹² औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

2 तीमोथियुस 1:12 Iomraidhean Croise

मत्तायोस 12:21

अरा उर्मी जातियर आसी नामे नू असरा उइय्‍योर।”

मत्तायोस 24:36

एंग्‍है बरना उल्‍ला ही पत्त नू धर्मे बंगासिन अम्‍बरकी नॆ हूँ बलनर। ऎन ख़द्दन अरा मेर्ख़ा ता पैकर हूँ आ बेड़न बलदम।

मत्तायोस 7:22

अउला अजम बग्‍गे आलर एंगन ब'ओर, ‘अना उर्बायो! अना उर्बायो! ऎम निंग्‍है नामे ती धर्मेसी कत्था तिंकम अरा निंग्‍है नामे ती नाद गुट्ठिन ओथ्रकम अरा निंग्‍है नामे ती बग्‍गे हैकट नलख नंजकम।’

लू‍कस 10:12

ऎन निमन ब'अदन का रायबड़ी उल्‍ला नू सोदोम नगरे ता आलर ही ख़क्‍खका दंडे ती ई नगरे ता आलर ही ख़क्‍खना दंडे बग्‍गे मलदौ मनो।

लू‍कस 23:46

अरा येसुस जॊरसरिया चिच्चि‍यारनुम बाचस, “अना बबा, ऎन एंग्‍है बॊलतन निंग्‍है ख़ेक्खा नू अम्‍बदन।” अरा एन्ने बाचस ती आस तंग्‍है जियन बिच्‍छरस।

यॊहनस 17:15

ऎन आरिन ख़ॆख़ेल ती हो'आ कला गे मल गोहरारदन, लिकिन आरिन मलदौ नाद ती ख़ापा गे गोहरारदन।

यॊहनस 6:44

एंगन तइय्का बंगस ओर्तोसिन एंग्‍है गुसन मल नतगदस होले, नॆ हूँ एंग्‍है गुसन बर'आ पोल्‍लनर, अरा ऎन छेद्दे उल्‍ला नू आरिन उज्‍जा चॊद'ओन।

त‍इरकर 13:46

पौलुस दरा बरनबास बिगर एल्‍चम बाचर, “ईद चाड़ रहचा का मुन्‍द निमा गे धर्मेसी कत्‍था तेंगना रहचा, लिकिन नीम इदिन मल इंझ्रदर, अरा नीम निमन मुंजा मलका उज्‍जना ख़क्‍खना जॊगे मल बुझुरदर। औंगे ऎम अक्‍कु इदिन नन-यहूदीरिन तेंगदम।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

त‍इरकर 7:59

आलर स्‍तेफनोस म‍इय्याँ पखना ती लोड़ग'आ लगियर ख़ने, आस एन्ने गोहरारस, “उर्बायो येसु, एंग्‍है बॊलतन इंझ्र'आ।”

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 9:33

एकासे नेम्‍हा पुथी नू लिख्रकी र'ई, “ऎरा, ऎन येरुसलॆम नू ओन्‍टा पखना उइय्‍कन आद आलारिन मूड़त'ओ, ईद आरिन टिड़ना ही चचड़ी हवे। लिकिन नॆ आसी म‍इय्याँ पत्त'ओर आर लज्‍जे मल मॊख़र'ओर।”

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

1 कोरिन्‍थ 3:13

लिकिन रायबड़ी उल्‍ला नू उर्मी कम'उर ही नलख दहदर मनो क'ओ, एन्‍देरगेका ईद चिच्‍ची ती दहदर नन्‍तार'ओ क'ओ। ओर्त ओर्त नंजका नलख एकासे र'ई एन्ने चिच्‍ची बिढ़'ओ चि'ओ।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।

1 थेस्‍सलोनिकॆयर 5:4

लिकिन अना भईरो, नीम ओर्मर बिल्‍ली ही आलर अरा उल्‍ला ही आलर हिकदर। नाम माख़ा अरा ऊख़ा ही मलदत। नीम गा धर्मेसिन बल्‍लू आलर लेक्‍खा ऊख़ा नू मलकर का आ उल्‍ला ख़लबस लेक्‍खा बर'ओ ती निमन कुल्‍लो।

1 तीमोथियुस 6:20

अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

2 तीमोथियुस 1:14

निंगा पत्त'अना ती चिच्का बॆस कत्‍थन नम्‍है म‍इय्याँ मड़चकी र'ऊ नेम्‍हा बॊलतासी सवंग ती बॆस ख़ापा।

2 तीमोथियुस 1:16

ओनेसिफोरुसी एड़पातर म‍इय्याँ धर्मेसी कोड़हे सोग्‍गे मनन नेक‍अन। एन्‍देरगेका ऎन जेहेल नू रहचकन ख़ने हूँ बिगर इल्चका ती एंगन आस नगदे हॆल बरचस ती ईरयस अरा एंग्‍है जियन बोधा बाचस।

2 तीमोथियुस 1:18

रायबड़ी उल्‍ला नू उर्बस आसी म‍इय्याँ कोड़हे सोग्‍गे नन्‍दस नेक‍अन। आस एंगा गे एका एका दौ नलखन इफेसुस नगरे नू नंजस, अदिन हों नीन बॆस अख़दय।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 2:18

आस गे बिढ़्रना मंजा ख़ने, आस तानिम दुक्‍खे सारचस। औंगे आस बिढ़्रना नू दुक्‍खे सार'उर ही सहाड़ा नना ओंग्‍दस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

1 पतरस 4:16

लिकिन नीम मसी आलर र'अना चड्डे सस्ती सारदर होले, अदही पत्त नू अम्बोस लजर'आ, लिकिन मसी आलर एन्ने नामे निमा गे र'अना चड्डे धर्मेसी महबा नना।

1 पतरस 4:19

औंगे धर्मेसी मने ही लेक्खा सस्ती सार'उर अउरिम दौ नन्तेम र'अना ती पत्त'अना जॊगे अरा तमन गढ़चका धर्मेस गे तमन सोंपनर नेकअन।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,