2 पतरस 1:1 - पुना गच्छरना NT (BSI)

¹ ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

2 पतरस 1:1 Iomraidhean Croise

मत्तायोस 10:2

बारो तइरकर ही नामे एन्ने र'ई: मुन्‍द ता सिमॊन, नॆ पतरस बारदस अरा आसी भइय्योस अन्‍द्रेयस अरा जेबदयुसी तंग्‍दस याकॊब अरा आसी भइय्योस यॊहन

मत्तायोस 4:18

येसुस गलिलेया समुदर ही पिं‍डी नू कुद्दा लगियस ख़ने, आस सिमॊन नॆ पतरस बारदस अरा आसी भइय्योस अन्‍द्रेयस ऎंड़ भईरिन समुदर नू जल्‍ली हेबड़ना ईरयस, आर गा केवँटर रहचर।

लू‍कस 1:47

एंग्‍है बॊलता एंग्‍है बछाब'ऊ धर्मेस नू रिरयार'ई।

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

यॊहनस 1:42

अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

त‍इरकर 15:14

सिमॊनस नमन तिंगियस का धर्मेस नन-यहूदीर ती जोक्क आलारिन तंगा गे चज्जियस ती पहिल खेप एकासे सोग्‍गे ईरियस।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 1:12

ऎन एन्‍देर ब'आलदन का नम्‍है नू र'ई आ पत्त'अना ती नाम नन्नारिन सहाड़ा नना ओंगोत।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 15:9

ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन।

1 कोरिन्‍थ 9:1

ऎन छछिन्‍द आलन र'अदन। ऎन तइरकन हिकदन। ऎन नम्‍है उर्बा येसुसिन ईरकादन। उर्बस नू नीम एंग्‍है अर्जाचका हिकदर।

2 कोरिन्‍थ 4:13

नेम्‍हा पुथी नू एन्ने लिख्रकी र'ई का, “ऎन पत्ताचकन, औंगे बाचकन।” आ पत्त'अना ही ओन्टे बॊलता तिम ऎम पत्त'अदम, औंगे ब'अदम।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 2:8

एन्‍देरगेका एका धर्मेस यहूदीर गे दौ कत्‍था मेन्‍त'आ गे पतरस गे त‍इरका नलख नना गे पैया चिच्‍चस। आ धर्मेसिम एंगा गे हूँ नन-यहूदीर गे दौ कत्‍था मेन्‍त'अना ही त‍इरका नलख नना गे पैया चिच्‍चस।

इफेसुस 3:5

धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

इफेसुस 4:5

अरा ओन्टे गुना उर्बस र'अस। अरा ओन्टे गुना पत्त'अना, अरा ओन्टे गुना नॊड़्रना र'ई।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

2 तीमोथियुस 1:5

अरा ऎन निंग्‍है मानिम पत्त'अनन सोचदन, एकदा मुन्‍द निंग अज्‍जी लॊइस, अरा निंग्यो युनीके नू रहचा। आ पत्त'अना निंग्‍है नू हों र'ई।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।