1 तीमोथियुस 5:6 - पुना गच्छरना NT (BSI)

⁶ लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।

1 तीमोथियुस 5:6 Iomraidhean Croise

मत्तायोस 8:22

लिकिन येसुस आसिन बाचस, “अक्‍कु एंग्‍है गने चॊंख़्र'आ, केचकारिन तम्‍है बॊलता नू केचका आलर माड़नर नेकअन।”

लू‍कस 12:19

अरा ऎन एंग्‍‍है जियन ब'ओन, ‘निंगा गे नगदे चान गुट्ठी गे बग्‍गे जिनिस उइरकी र'ई, नीन ख़न्न ऎख़य, ओनय, मॊख़य अरा रिझ्र'अय।’

लू‍कस 15:13

जोक्‍क उल्‍ला हूँ मल मंजा, सन्नी ख़द्दस तंग्‍है उर्मिन जॊगड़स ती गेच्‍छा राजी केरस। अरा असन मलदौ उज्‍जना ती तंग्‍है खुर्जिन नठाबाचस।

लू‍कस 15:24

ई एंग्‍दस केचका बेसे रहचस, लिकिन आस अक्‍कु उज्‍जालदस, अरा एबस्रका रहचस, लिकिन अक्‍कु ख़क्‍खरस।’ ख़ने आर रिरयार'आ हेलरर।

लू‍कस 15:32

लिकिन अक्‍कु नमा रिरयारना अरा रिझ्रना चाड़ र'ई। एन्‍देरगेका ईद एन्ने बेसे का निंग्‍ड़िस केचका रहचस, लिकिन अक्‍कु उज्‍जदस, अरा एबस्रका रहचस, लिकिन अक्‍कु ख़क्‍खरस।’”

लू‍कस 16:19

ओर्त उरुब आलस रहचस। आस लेपलेप अरा बग्‍गे दामी किचरी गुट्ठिन अत्तालियस ती उर्मी उल्‍ला सुख-सौंरत गने उज्‍जालियस।

लू‍कस 7:25

महले एका बेसे आलासिन ऎरा केरका रहचकर? लेपलेपे किचरी अत्तका आलासिन का? मला, नॆ लेपलेपे किचरी अत्तनर आर बॆल एड़पा नू र'अनर।

इफेसुस 2:1

नीम गा मुन्द निम्‍है अक्‍का-बलका गुट्ठी नू अरा पाप गुट्ठी नू केचका रहचकर।

इफेसुस 2:5

नाम नम्है अक्का-बलका गुट्ठी ही चड्डे केचका रहचकत ख़ने हूँ, आस नमन मसीस गने उज्‍जताचस। अरा आसी मया ती नीम नाड़रका र'अदर।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

कोलोस्से 2:13

नीम निम्है अक्‍का-बलका गुट्ठी ती अरा खतना मल मंजका निम्है पाप ही सुबहा ती केचका रहचकर ख़ने, धर्मेस निमन मसीस गने उज्‍जताचस ती नम्‍है उर्मी अक्‍का-बलका गुट्ठिन छमा नंजस।

2 तीमोथियुस 3:6

इबड़र तिम जोक्‍क आलर एड़पा नू कलेकले कोरनर ती छिनैर मुक्‍कारिन तम्‍है आकुस नू नन्नर, एकार उर्मी रकम ही सुख-सौंरत गुट्ठी नू अरा पाप गुट्ठी ती लिन्‍डरकानर।

याकॊब 5:5

नीम ख़ॆख़ेल नू सुख-सौंरत भोगचकर अरा निम्है उर्मी मनेन पूरा नन्ना ती सुक्खे उज्जकर। अरा नीम निम्है जियन पलचकादर, लिकिन एन्देर नीम बलदर का नठारना ही उल्ला हेद्देम अंड़सकी र'ई?

दहदर मंजका कत्‍था 18:7

एवंदा आद तंगन मईन नंजा ती सुख-सौंरत गने उज्जकी र'ई, औंदम अदगे डाहरना अरा ख़ोदख़रना चि'आ, एन्‍देरगेका आद तंग्‍है जिया नू ब'ई, ‘ऎन बॆलनी मंजकी र'एन, ऎन रड़ियाही मल्लेन, ख़ोदख़रना नू इकला हूँ मल खत्र'ओन।’

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।