Biblia Todo Logo
Bìoball air-loidhne

- Sanasan -




1 तीमोथियुस 5:5 - पुना गच्छरना NT (BSI)

5 एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।

Faic an caibideil Dèan lethbhreac




1 तीमोथियुस 5:5
27 Iomraidhean Croise  

येसुस तंग्‍है चेलर गे मल हेन्‍दवारना ती सगरोम गोहरारते र'अना र'ई इदन तेंगा गे ई जोक्‍खा ख़ीरिन तिंगियस।


होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?


तहाँ आद चौरासी बछर ती रड़ियाही रहचा। आद धर्मेसी मन्दिरन कहियों मल अम्‍बालिया। आद उल्‍ला माख़ा उपास अरा बिन्‍ती नन्नरकी धर्मेसी महबा ननालिया।


ई गच्‍छरका ही पूरा मन्नन ऎरना ही असरा ती दिम नम्‍‍है बारा गोतोर ता आलर उल्‍ला माख़ा धर्मेसिन ऒड़ नन्नर। बॆलायो, ई असरा ही चड्डेम यहूदीर एंग्‍है म‍इय्याँ बदी ठेकाब'आ लगनर।


अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।


ख़ने पतरस चॊचस ती आर ही गने केरस। आस योप्‍पॆ अंड़सियस ख़ने, आलर आसिन मचा कुटली नू होच्‍चर। असन उर्मी रड़ियाहीर चींख़नुम आसी गुसन बरचर ती इज्‍जर ती अबड़ा किचरी गुट्ठिन ऎद'आ लगियर, एकदन दोरका आर ही गने रहचा ख़ने कमचकी रहचा।


पतरस तंग्‍है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्‍जना ऎदस।


ऎन एन्‍देर ब'आलदन का नम्‍है नू र'ई आ पत्त'अना ती नाम नन्नारिन सहाड़ा नना ओंगोत।


धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।


ऎन बेद्ददन का निमा इन्द्रिइम फिकिर अम्‍बो मना। नॆ मल्‍ला बेंज्रका, आस उर्बासिन एकासे रिझाब'ओन ब'अरकी उर्बासी पत्त नू लेका फिकिर नन्दस।


अरा आसी मने ऎंड़ भाग मनी। अन्नेम मल बेंज्रका आली महले डिंडा कुक्‍के तंग्‍है मॆद‍ अरा बॊलता दुयो नू नेम्‍हा मना गे उर्बासी पत्त ता कत्था नू लेका फिकिर ननी। लिकिन बेंज्रका आली तंग्‍है मॆतासिन एकासे रिझाब'ओन ब'अरकी आद ई ख़ॆख़ेल ता कत्‍था नू फिकिर ननी।


उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्‍हा आलर गे गोहरारनुम र'आ।


एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।


उर्मिन्‍ती मुन्‍द ऎन निंगन अरा अय्या ता पत्त'ऊ आलारिन आनदन का ओर्मा आलर गे बिन्‍ती नना। अरा आर गे धर्मेस ती संगरा ने'आ अरा गोहरार'आ अरा धन्‍यबाद नना।


एक‍अम पत्त‍'ऊ आली ही एड़पा नू रड़ियाहिर र'अनर होले, आदिम आरिन ऎरो ख़ॊजो। ई बोझा आबोन कलीसिया नू अम्‍बो नना। एन्देरगेका एका रड़ियाहीर मानिम नू संगरा जॊगे र'अनर आर गे कलीसिया संगरा नना ऊंगी।


रड़ियाहीर नू नॆखा संगरा ननू नॆ हूँ मलकर आर गे संगरा नना।


ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।


ई लेक्‍खम चिरान नू धर्मेस नू असरा उइय्का नेम्हा मुक्‍कर हूँ तम्‍है मॆतर ही आकुस नू र'आ लगियर ती तमन सिंगर'आ लगियर।


Lean sinn:

Sanasan


Sanasan