1 तीमोथियुस 4:3 - पुना गच्छरना NT (BSI)

³ आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 4:3 Iomraidhean Croise

मत्तायोस 14:19

होले आस आलारिन लट्टी नू ओक्‍का आनियस, अरा आ पाँच गोटंग असमा अरा ऎनोटा इंजोन होच्‍चस ती मेर्ख़ा तरा ईरियस ती आ ओन्ना-मॊख़ना गे धर्मेसिन धन्‍यवाद नंजस अरा असमन किच्‍चा किच्‍चा चेलर गे चिच्‍चस अरा चेलर आलर गे चिच्‍चर।

मत्तायोस 15:11

एकाद आलासी बई नू कुर'ई आद आसिन सोतबोड़'आ मल ननी, लिकिन एकाद आलासी बई ती उरखी आदिम आसिन सोतबोड़'आ ननी।”

मत्तायोस 15:36

अरा आस सात असमन अरा अबड़ा इंजोन होच्‍चस, अरा धर्मेसिन धन्‍यवाद ननरकी अदन किच्‍चियस। अरा अबड़न तंग्‍है चेलर गुसन चिच्‍चस। अरा चेलर अदन गोंहड़ा गे ख़ट्टियर।

लू‍कस 24:30

एकाबारी आस आर गने मंडी ओना उक्‍कियस, ख़ने असमन होच्‍चस ती आसीस नंजस अरा अदिन किच्‍चियस ती आर गे चिच्‍चस।

यॊहनस 6:23

फेन तिबेरया ती जोक्को डोंगा गुट्ठी, उर्बस धन्‍यवाद नंजस ती असमन आलर गे ख़ट्टका अड्डा हेद्दे बरचकी रहचा।

त‍इरकर 27:35

आस एन्ने बाचस ती असमन होच्‍चस अरा ओर्मर ही मुन्‍दहारे धर्मेसी धन्‍यवाद नंजस ती किच्‍चियस ती मॊख़ा हेलरस।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 14:3

उर्मी ओन्ना-मॊख़नन उनू मूख़ू आलर मल मूख़ू आलारिन अम्‍बोर ख़ाँड़'आ। अन्नेम उर्मी ओन्ना-मॊख़नन मल उनू मूख़ू आलर मूख़ू आलर म‍इय्याँ बदी अम्‍बोर नना। एन्‍देरगेका धर्मेस आरिन इंझ्रका र'अदस।

रोमी 14:6

एका ओर्तस एका उल्‍लन नन्ना उल्‍ला ती बॆस मनदस आस उर्बस गे मनदस। अरा एका ओर्तस उर्मी ओन्ना-मॊख़नन ओन्दस मॊख़दस आस उर्बस गे इदिन नन्‍दस, एन्‍देरगेका आस धर्मेसी धन्‍यवाद नन्दस। अरा एकास मल ओन्दस मॊख़दस आस उर्बस गे इदिन नन्‍दस। अरा आस धर्मेसी धन्‍यवाद नन्‍दस।

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

1 कोरिन्‍थ 7:28

लिकिन नीन बेंज्रदय होले, नीन पाप मल नन्‍दय, अरा डिंडा कुक्‍के बिंज्र'ई होले, आद पाप मल ननी। लिकिन एकार बेंज्रनर आर ई उज्‍जना नू बग्‍गे सस्‍ती मनोर। इबड़ा ती ऎन निमन ख़ापा बेद्ददन।

1 कोरिन्‍थ 8:8

ओन्ना-मॊख़ना नमन धर्मेस गुसन मल अड़सत'ई। नाम इदन मल ओनोत होले हूँ, नमा गे एन्‍द्रा हूँ जुक्‍की मल मनो, अरा अदन ओनोत होले हूँ, नमा गे कोड़हे बॆस मल मनी।

कोलोस्से 2:16

औंगे नीम एन्द्रन ओन्दर मॊख़दर, अरा नीम मल मन्ना परब मलता पुना चन्दो मलता ख़न्न ऎख़ना उल्‍ला गुट्ठी ही पत्त नू नॆ हूँ निमन बदी नना गे मोका अमा चि'आ।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

1 तीमोथियुस 4:4

धर्मेसी गढ़चका उर्मी जिनिस दौ र'ई। एका जिनिस हों दोसना जॊगे मलकी। उर्मी जिनिसन धन्‍यवाद गने इंझ्रना र'ई

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।