1 तीमोथियुस 4:12 - पुना गच्छरना NT (BSI)

¹² नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 4:12 Iomraidhean Croise

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

1 कोरिन्‍थ 11:1

नीम एंग्‍है ऎकना लेक्‍खा ऎका, एकासे ऎन मसीस लेक्‍खा ऎकदन।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 थेस्‍सलोनिकॆयर 1:6

अक्‍कु नीम गा कोहाँ सस्ती नू हूँ नेम्‍हा बॊलतासी रिझ गने कत्‍थन इं‍झ्रकर ती एम्‍है अरा उर्बस लेक्‍खा ऎका हेलरकर।

1 थेस्‍सलोनिकॆयर 2:10

नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

2 तीमोथियुस 2:22

औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

2 तीमोथियुस 2:7

ऎन एन्‍देर ब'अदन अदही पत्त नू सोच'आ। एन्‍देरगेका इबड़ा कत्‍थन बुझ्र'आ गे उर्बस लूर चि'ओस।

तीतुस 2:15

नीन इबड़ा कत्‍था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्‍जना नू एन्‍देर मलदौ र'ई। निंग्‍है एन्‍ने ब'अना ती नॆ हूँ निंगन अम्‍बोर ख़ाँड़'आ नेक‍अन।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

याकॊब 3:13

निम्है मझी नू नॆ लूरगर अरा बुझुर'ऊ र'अदस? आस तंग्है दौ उज्जना ओक्कना ती अदन ऎद्ददस नेकअन। अरा अदन लूर ती बरना लुदऊ मन्ना ती तंग्है दौ नलख गुट्ठिन नन्दस ऎद्ददस नेकअन।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।