1 तीमोथियुस 3:2 - पुना गच्छरना NT (BSI)

² औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 3:2 Iomraidhean Croise

लू‍कस 1:6

आर इरबर धर्मेसी ऎरना नू उजगो रहचर, अरा उर्बासी उर्मी पॆस‍का अरा नॆग गुट्ठी नू बने ईकुर रहचर।

लू‍कस 2:36

हन्ना ना‍मे ओन्‍टा धर्मेसी कत्‍था तिंगू आली हूँ धर्मेसी मन्दिर नू रहचा। आद आसॆरसी गोतोर नू फनुऎलसी तंग्दा रहचा। आद नगदे पच्‍चकी किरकी रहचा। आद बेंज्रका ख़ॊख़ा तंग्‍आलस गने सात बछर लेका र'आ उंकी रहचा। फिन आस केच्‍चस केरस।

रोमी 12:13

चाड़ नू र'ऊ धर्मेसी आलर गे निम्‍है गुसन एन्‍द्रा र'ई अदिन ख़ट्टा, पाही ऎरना नू बोथ्रका र'आ।

फिलिप्‍पी 2:15

होले नीम ई कुचुरहा अरा करतअंग आलर ही मझी नू गुन्‍हा मलका बिगर बदी ही अरा निमन ही धर्मेसी ख़द्द-ख़र्रा मना ओंगोर। अरा आर ही मझी नू नीम मेर्ख़ा ता बीन्को गुट्ठी लेक्खा बिल्‍चना र'ई।

1 तीमोथियुस 3:12

कलीसिया ही ईरू-ख़ूजुर ओन्‍टे लेका मुक्‍का उइय्युर मन्नर नेक‍अन। आर तम्‍है ख़द्द-ख़र्रा अरा एड़पा पलीन बॆस लगे ऎरा ख़ॊजा उंगू मन्नर नेक‍अन।

1 तीमोथियुस 3:8

एन्नेम कलीसिया ही ईरू-ख़ूजुर हूँ म‍ईन ही जॊगे र'अना र'ई। अरा आर उंखुर अरा आलारिन ठगना ती अर्ज‍'उर अम्‍बोर र'आ।

1 तीमोथियुस 4:3

आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

1 तीमोथियुस 5:22

तिर्री बिर्री नू नेकअनिम सेयान अमके उइय्या। अरा नन्नर ही पाप गुट्ठी ही बटा अमके मना। नीन निंगन निमन उइय्‍के।

1 तीमोथियुस 5:9

एका रड़ियाही ही बछर साठ ती बग्‍गे र'ओ अरा ओन्‍टे लेका मॆतस ही मुक्‍का रहचकी र'ओ, होले दिम आद ही नामेन रड़ियाहीर ही सूची नू अरगके।

2 तीमोथियुस 2:24

उर्बासी जॊंख़स गे अरबानखर‍ना मलकी। लिकिन ओर्मर गने लुद‍ऊ जिया अरा सिखाब'अना नू बड़ियर अरा कयास ननू मन्ना र'ई।

तीतुस 2:2

पचगी आलारिन सिखाब'आ का आर गे चिहुंक अरा म‍ईन जॊगे अरा नॆत नॆग ती उज्‍जू मन्ना र'ई। अरा आर गे बॆस पत्त'अना अरा चोन्‍हा ती अरा सहेलहे ती निन्‍द्रका आलर र'अना र'ई।

इब्रानी 13:2

मल ईरका आलारिन पाही ऎरा गे अमा मोध्र'आ। एन्‍देरगेका एन्ने पाही ऎरना चड्डे जोक्‍क आलर बलना ती मेर्ख़ा पैकारिन हूँ पाही ईरियर।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 पतरस 4:9

बिगर कुनमुनर'आ ती ओर्त ओर्तारिन पाही ऎरा।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।