1 तीमोथियुस 2:8 - पुना गच्छरना NT (BSI)

⁸ ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

1 तीमोथियुस 2:8 Iomraidhean Croise

मत्तायोस 21:21

ख़ने येसुस आरिन आनाकिर्ताचस, “मानिम ऎन निमन ब'अदन, नीम पत्त'ओर अरा मल धुकचुक्र'ओर होले, ई अंजीर मन्न गे मंजकी र'ई अदिन लेका मला, लिकिन ई परतन हूँ ब'आ ओंग्दर, ‘चड्र'अय ती कलय समुदर नू खत्र'अय’, अरा अन्नेम मनो।

मत्तायोस 5:44

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

लू‍कस 23:34

[ख़ने येसुस बाचस, “अना बबा, ईरिन छमा नना, ईर गा एन्‍देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर।

लू‍कस 24:50

तहाँ आस आरिन बेतानिया नगरे गूटी होच्‍चस दरा तंग्‍है ख़ेक्खन चॊदस ती आर गे बरकत चिच्‍चस।

यॊहनस 4:21

येसुस अदिन बाचस, “अनय आली! एंग्‍है कत्‍थन पत्त'अय, बेड़ा बर'आली, आ बारी नीम धर्मे बंगासिन ई परता नू हूँ मला महले येरुसलॆम नगरे नू हूँ मल महबा ननोर।

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 10:31

आस बाचस, ‘कोरनेलियोस, निंग्‍है गोहरारना मेन्‍तारकी र'ई। अरा नीन कीड़र गे चिच्कादय अदिन धर्मेस सुरता नंजकादस।

त‍इरकर 10:4

आस आसी म‍इय्याँ ओन ढिठ ईरियस ती इल्‍चियस अरा बाचस, “उर्बायो, एन्‍द्रा?” ख़ने मेर्ख़ा पौकस बाचस, “निंग्‍है गोहरारनन अरा निंग्‍है कीड़र गे चि'अनन ओन्टा दाँड़े बेसे धर्मेस इंझ्रका र'अदस।

त‍इरकर 21:5

अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।

त‍इरकर 7:60

अरा आस मूकलिदरस ती जॊरसरिया बाचस, “उर्बायो, ई पापन ईर ही म‍इय्याँ अमके नना।” अरा एन्ने बाचस ती आस जियन बिछरस।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

फिलिप्‍पी 1:12

अना भईरो! ऎन इदन नीम अख़'आ बेद्ददन का इय्या एंग्‍है नू मंजा अबड़ा उर्मी दौ कत्‍थन बींड़'आ गेम संगरा नंजा।

1 थेस्‍सलोनिकॆयर 1:8

एन्‍देरगेका निम्‍है गुसले मकेदोनिया अरा अख़ाया नू लेका उर्बासी दौ कत्‍था मल तेंग्रा। लिकिन धर्मेस नू निम्‍है पत्त'अना र'ई आद उर्मी अड्डा बींड़रकी किरकी र'ई का एमा ब'अना ही चाड़ मलकी।

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 3:7

अन्नेम अना मॆतारो! नीम निम्है मुक्‍का गने ठौका बुझ्रना अरा अदही मइय्याँ ता सोच गने उज्‍जा। अरा मुक्‍कारिन निम्है ती पयहा आल अख़'आ ती अरा निम्है गने मल मुंज्रना उज्‍जना ही धर्मेसी सोग्‍गेन ख़क्‍खका अख़'आ ती आरिन मईन नना। नीम एन्ने ननोर होले, नीम सान्ति जिया ती र'ओर अरा बड़ियर गोहरार'आ ओंग्दर।