Biblia Todo Logo
Bìoball air-loidhne

- Sanasan -




1 तीमोथियुस 1:12 - पुना गच्छरना NT (BSI)

12 ऎन नम्‍‍है उर्बा मसी येसुस गे धन्‍यवाद चि'अदन, एन्‍देरगेका आसिम एंगा सवंग चि'अरकी एंगन पत्त‍'अना जॊगे ब'अरकी तंग्‍है नलख नू उइय्यस।

Faic an caibideil Dèan lethbhreac




1 तीमोथियुस 1:12
26 Iomraidhean Croise  

अरा आरिन बाचस, ‘नीम हूँ अंगुर बटकी नू कला, अरा ऎ बग्‍गे चि'अना र'ई अदिन ऎन निमा चि'ओन।’


औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।


आद तंग्‍‍है गोट्टा एड़पातर गने नॊड़रा। ख़ने आद एमन गोहरार'आ, “नीम एंगन उर्बासी पत्त'ऊ आली बुझ्रदर होले, एंग्‍है गुसन गुचा ती र'आ।” अरा आद एमन बड़पेलहा ती होच्‍चा केरा।


लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।


लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।


अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।


होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।


अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।


धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।


अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।


अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।


अरा धर्मे बंगसी महबा गे उर्मी ततख़ा तेंग्र'ओ का येसु मसीस दिम उर्बस।


एंगा पया चि'ऊ मसीस ती ऎन उर्मिन नना ओंग्दन।


निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।


नम्‍है बछाब‍'ऊ धर्मेस अरा नम्‍है पाब ऎरना ही मूली मसी येसुसी पॆसका लेक्‍खा मसी येसुसी त‍इरकन ऎन पौलुस हिकदन।


ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।


पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।


ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।


एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।


लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।


नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।


Lean sinn:

Sanasan


Sanasan