1 तीमोथियुस 1:1 - पुना गच्छरना NT (BSI)

¹ नम्‍है बछाब‍'ऊ धर्मेस अरा नम्‍है पाब ऎरना ही मूली मसी येसुसी पॆसका लेक्‍खा मसी येसुसी त‍इरकन ऎन पौलुस हिकदन।

1 तीमोथियुस 1:1 Iomraidhean Croise

लू‍कस 1:47

एंग्‍है बॊलता एंग्‍है बछाब'ऊ धर्मेस नू रिरयार'ई।

लू‍कस 2:11

इन्‍ना दाऊद बॆलासी नगरे नू निमन बछाब'‍उस कुन्‍द्रकादस, आसिम मसी उर्बस।

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

1 कोरिन्‍थ 1:1

धर्मेसी मने ती मसी येसुसी त‍इरका मना गे मॆख़्रका पौलुस एंग्है तरती अरा नम्है भ‍ईस सॊस्‍थेनॆसी तरती ई चिठी र'ई।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

गलातिया 1:11

अना भ‍ईरो! ऎन निमन अख़त'आ बेद्ददन का एका दौ कत्‍था ऎन निमन तिंकादन, आद आलर ही चिताबुता ती गढ़चका मल्‍ली।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

1 तीमोथियुस 1:12

ऎन नम्‍‍है उर्बा मसी येसुस गे धन्‍यवाद चि'अदन, एन्‍देरगेका आसिम एंगा सवंग चि'अरकी एंगन पत्त‍'अना जॊगे ब'अरकी तंग्‍है नलख नू उइय्यस।

1 तीमोथियुस 2:3

ईद दौ लग्‍गी अरा नम्‍है बछाब‍'ऊ धर्मेसी मने हूँ र'ई।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

तीतुस 1:3

अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।

तीतुस 2:10

आर अम्‍बोर ख़ड़'आ नुड़'आ, लिकिन उर्मी कत्‍था नू असरा जॊगे अरा दौ ऎथ्रत'अना मनोर। होले आर नम्‍है बछाब'ऊ धर्मेसी पत्त ता सिखाब'अना बॆस कोड़े र'ई इदिन ऎद'ओर।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

तीतुस 3:4

लिकिन नमा गे बछाब'ऊ धर्मेसी सोग्‍गे अरा चोन्‍हा मंजा।

तीतुस 3:6

धर्मेस नम्‍है बछाब'ऊ येसु मसीस ती नेम्‍हा बोलतन नम्‍है म‍इय्याँ बग्‍गे ती बग्‍गे त‍इय्यस।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

यहूदा 1:25

नम्है नाड़ू ओन्टे लेका धर्मेस गे, नम्है उर्बस येसु मसीस ती महबा अरा कोड़हे मईन अरा सवंग अरा अदिया हुल्लो ती मुन्द अरा अक्कु अरा हुल्लो गूटी र'अन नेकअन। आमेन।