Nivîsa Rûta Pîrika Dawidê Padîşah 4:6 - Kurmanji Încîl

⁶ Xwediyê nêzîktir got: “Heke wisa be, ez nikarim wezîfeya xwe ya xweyîtiyê bikim. Ez bikim, mîrasa min bi xwe dikeve talûkê. Tu bi xwe mafê xweyîtiya min bistîne, çimkî ez nikarim bikim.”

Nivîsa Rûta Pîrika Dawidê Padîşah 4:6 Iomraidhean Croise

Destpêk 38:8

Cihûda ji Onan re got: “Here ba jinbira xwe û wezîfeya xwe ya tiyîtiyê bi cih bîne ku ziriyeta birayê te çêbe.”

Lêwiyî 25:25

Heke kesek ji birayên we feqîr bibe û bixwaze ji axa xwe bifiroşe, wê merivê wî yê herî nêzîk here û axa ku wî firotibû bikire.

Dubarekirina Şerîetê 25:7

Lê heke zilam nexwaze bi jina birayê xwe ya bî re bizewice, wê jina birayê wî here dergehê bajêr, pêşberî rîspiyan û bêje: ‘Tiyê min naxwaze li gelê Îsraêl navê birayê wî berdewam bike. Ew naxwaze wezîfeya xwe ya tiyîtiyê ji bo min pêk bîne.’

Dubarekirina Şerîetê 25:8

Wê rîspiyên bajêr gazî wî bikin û pê re bipeyivin. Heke ew bêje: ‘Ez naxwazim wê bînim,’

Dubarekirina Şerîetê 25:9

wê gavê wê li pêşberî rîspiyan jina birayê wî were ba wî, ji lingê wî çaroxa wî derîne, tifî rûyê wî bike û bêje: ‘Li zilamê ku naxwaze mala birayê xwe ava bike wiha tê kirin.’

Nivîsa Rûta Pîrika Dawidê Padîşah 2:20

Naomî ji bûka xwe re got: “Xudan wî zilamî pîroz bike ku qencî û dilsoziyê ji saxan û miriyan texsîr nake.” Piştre Naomî got: “Ew zilam merivê me ye, yek ji wan e ku li gorî Şerîetê divê xweyîtiyê li me bike.”

Nivîsa Rûta Pîrika Dawidê Padîşah 3:13

Tu îşev li vir bimîne. Heke sibê ew, wezîfeya xwe ya xweyîtiyê bi te re bike, baş e. Bila bike. Lê heke ew nexwaze wezîfeya xwe ya xweyîtiyê bi te re bike ez bi navê Xudanê Jîndar sond dixwim ku ezê wezîfeya xwe ya xweyîtiyê bikim. Tu heta serê sibê razê.”

Nivîsa Rûta Pîrika Dawidê Padîşah 3:9

Wî jê re got: “Tu kî yî?” Wê got: “Ez Rût im, xulama te. Bi min re bizewice, wezîfeya xweyîtiyê li min bike. Çimkî tu ji malê yî.”