Lêwiyî 10:3 - Kurmanji Încîl

³ Mûsa ji Harûn re got: “Xudan gotibû: “‘Bi saya kesên ku nêzîkî min dikin, Ezê pîroziya xwe nîşan bidim. Li ber çavê tevahiya gel, Ezê birûmet bim.’” Harûn bêdeng ma.

Lêwiyî 10:3 Iomraidhean Croise

Destpêk 18:25

Dûrî te be ku tu wiha bikî û tu kesê rast jî bi kesê xerab re bikujî û rast bibin wekî xerab! Ma dadgerê tevahiya dinyayê ya rast neke?”

Eyûb 2:10

Eyûb ji jina xwe re got: “Jinên ehmeq çawa diaxivin tu jî wisa diaxivî. Emê qenciyê ji Xwedê qebûl bikin û xerabiyê qebûl nekin?” Di tevahiya van tiştan de, guneh bi lêvên Eyûb nebû.

Zebûr 119:120

Bedena min dilerize ji tirsa te, Ez ditirsim ji dadbariyên te.

Zebûr 148:14

Wî ji bo gelê xwe serokek rakir, Pesnê hemû dilsozên wî, Û gelê Îsraêlê yê ku nêzikî wî ye bidin, Pesnê Xudan bidin.

Zebûr 39:10

Dûr bike ji min lêdana xwe, Sîla te ez telef kirim.

Zebûr 39:9

Ez hiş bûm, min girt devê xwe; Çimkî te ev kir.

Zebûr 46:10

«Bîhnfireh bin û bizanibin ku ez im Xwedê, Ezê bilind bibim li nav netewan, Bilind bibim li rûyê erdê!»

Zebûr 89:7

Di civata ezmaniyan de ew Xwedêyek pirr bi heybet e, Ji hemû yên li der û dora xwe ew bêtir tirsdar e.

Zebûr 93:5

Şîretên te pirr dilsoz in; Her û her ya Xudan, Pîrozî bi mala te dikeve.

Derketin 14:17

Ezê dilê Misriyan hişk bikim ku bidin pey wan. Ezê li ber Firewn, tevahiya artêşa wî, erebeyên wî yên şer û siwarên wî rûmetdar bibim.

Derketin 14:4

Ezê dilê Firewn hişk bikim. Wê li pey wan bikeve û ezê jî li ber Firewn û tevahiya artêşa wî rûmetdar bibim. Wê Misrî bizanibin ku Xudan ez im.” Îsraêliyan wiha kir.

Derketin 19:22

Kahinên nêzîkî min dibûn jî bila ji min dûr bin. An na ezê wan jî ceza bikim.”

Derketin 19:24

Xudan ji Mûsa re got: “Rabe berjêr be û Harûn bîne. Lê bila kahin û gel ji bo dîtina min, sînor derbas nekin. An na ezê wan ceza bikim.”

Derketin 30:30

“Ji bo ku ji min re kahintiyê bikin, tê Harûn û kurên wî rûn bikî û wan pîroz bikî.

Îşaya 39:8

Hîzqiya ji Îşaya re got: “Gotina Xudan a ku tu dibêjî baş e.” Çimkî di dilê xwe de digot: “Jixwe wê di rojên min de aştî û ewlehî pêk bê.”

Îşaya 49:3

Wî ji min re got: “Îsraêlo, tu xulamê min î, Ezê bi te rewnaqiya xwe diyar bikim.”

Îşaya 52:11

Xwe bidin alî, xwe bidin alî! Ji wê derê derkevin Û dest nedin tiştê qirêj. Ya kesên ku taximên Xudan hildigirin! Ji nav wê derê derkevin Û xwe paqij bikin.

Lêwiyî 21:15

Bi vî awayî wê di nav gelê xwe de ziriyeta xwe mirdar neke. Xudanê ku wî pîroz dike ez im.’”

Lêwiyî 21:17

“Ji Harûn re bêje: ‘Ji ziriyeta te kesê biqisûr be, wê nêzîkî gorîgehê nebe ku nanê Xwedê pêşkêş bike.

Lêwiyî 21:21

Kesê ziriyeta Harûnê Kahin ku qisûreke wî heye, wê tu caran nêzîk nebe ku pêşkêşiya Xudan a şewitandinê pêşkêş bike. Ji bo ku ew biqisûr e, wê nêzîkî gorîgehê nebe ku pêşkêşiyên dexlê pêşkêşî Xwedayê xwe bike.

Lêwiyî 21:6

Wê ji bo Xwedayê xwe pîroz bin û navê Xwedayê xwe xerab nekin. Çimkî pêşkêşiyên şewitandinê wekî xwarin pêşkêşî Xwedayê xwe Xudan dikin. Loma wê pîroz bin.

Lêwiyî 21:8

Hûnê wan pîroz bihesibînin, çimkî wekî xwarin pêşkêşiyan ji Xwedayê we re pêşkêş dikin. Loma wê ji bo we pîroz bin. Çimkî ez pîroz im, Xudanê ku we pîroz dike ez im.

Lêwiyî 22:9

“‘Wê kahin peywirên min pêk bînin. An na wê sûcdar bên hesibandin û ji ber vê yekê bimirin. Xudanê ku ew pîroz kirine ez im.

Lêwiyî 8:35

Hûnê li ber deriyê Konê Hevdîtinê heft rojan bi şev û roj bisekinin û peywirên Xudan pêk bînin ku hûn nemirin. Çimkî wiha li min hat emirkirin.”

Hejmartin 16:5

Wî ji Qorax û hemû alîgirên wî re got: “Wê serê sibê Xudan kifş bike ka kî yê wî ye û kî pîroz e û wê wî nêzîkî xwe bike. Wê Xudan kesê hilbijartiye derxe hizûra xwe.

Hejmartin 20:12

Lê Xudan ji Mûsa û Harûn re got: “Ji ber ku hûn bi min ewle nebûn û we li ber çavê gelê Îsraêl pîroziya min nehesiband, hûnê vê civakê nebin welatê ku min da we.”

Metta 10:37

«Yê ku dê an bavê xwe ji min bêtir hez dike, ne hêjayî min e. Yê ku kur an keça xwe ji min bêtir hez dike jî, ne hêjayî min e.

Yûhenna 12:28

Bavo, navê xwe bi rûmet bike.» Li ser vê yekê dengek ji ezmên hat: «Min ew bi rûmet kir û ezê dîsa wî bi rûmet bikim.»

Yûhenna 14:13

Bi navê min hûn çi bixwazin, ezê bikim, da ku Bav bi Kur bi rûmet bibe.

Dubarekirina Şerîetê 32:51

Çimkî hûn herdu jî li Beriya Zînê, li ava Merîva-Qadêşê, li ber çavê gelê Îsraêl bi min re nedilsoz bûn û we di nav gelê Îsraêl de ez pîroz nekirim.

Selanîkî II, 1:10

Wê Rojê gava ew bê, ewê di nav pîrozên xwe de bê birûmetkirin û ji aliyê hemû bawermendan ve bi heyranî bê dîtin. Hûn jî, hûnê di nav wan de bin, çimkî we baweriya xwe bi şahidiya me anî.

Petrûs I 4:17

Çimkî wext hat ku dîwan ji mala Xwedê dest pê bike. Eger ji me dest pê bike, dawiya wan ên ku li gor Mizgîniya Xwedê nakin wê çawa be?

Samûêl I, 2:30

“Loma gotina Xwedayê Îsraêl Xudan ev e: ‘Bi rastî jî min gotibû ku mala te û mala bav û kalên te heta hetayê wê bi min re bimeşin.’ Lê niha gotina Xudan ev e: ‘Bila ev ji min dûr be! Kesê ku min rûmetdar bike, ezê jî rûmetdar bikim. Lê kesê ku min nehesibîne, wê biçûk bê xistin.

Samûêl I, 3:18

Samûêl tiştekî jê veneşart û jê re got. Elî jî got: “Ew Xudan e, bila ya xwe bike.”

Samûêl I, 6:20

Bêtşemeşiyan digot: “Kî dikare li ber Xudan bisekine ku Xwedayê Pîroz e? Gelo piştî me dora kê ye?”