Lêwiyî 1:3 - Kurmanji Încîl

³ “‘Heke pêşkêşî qurbana şewitandinê ya dewêr be, divê nêr û bêqisûr be. Wê ew kes bîne ber deriyê Konê Hevdîtinê ku ew li hizûra Xwedê bê qebûlkirin.

Lêwiyî 1:3 Iomraidhean Croise

Destpêk 22:13

Îbrahîm serê xwe rakir û dît ku qiloçên beranekî di nav deviyê de asê mane. Rabû çû, beran anî û ew di cihê kurê xwe de kir qurbana şewitandinê.

Destpêk 22:2

Xwedê got: “Kurê xwe yê yekta Îshaqê jê hez dikî bibe herêma Moriyayê. Li wir, li serê çiyayekî ku ezê ji te re bêjim, bike qurbana şewitandinê.”

Destpêk 22:8

Îbrahîm got: “Lawo, wê Xwedê berxê qurbana şewitandinê peyda bike.” Herdu bi hev re meşiyan.

Destpêk 8:20

Nûh ji Xudan re gorîgehek çêkir û ji hemû heywan û teyrên paqij, qurbanên şewitandinê pêşkêş kirin.

Zebûr 110:3

Di roja te ya şer de, Wê gelê te bi dilxwazî herin. Wek xunava ku di seherê de dikeve, Bi rewnaqiya pîroz pêçayî, Wê xortên te li pey te werin.

Zebûr 40:8

Ez zewqê ji bicihanîna daxwaza te distînim, ey Xwedayê min, Di kûrahiya dilê min de ye şerîeta te.»

Derketin 12:5

Divê pezê we bêqisûr, nêr û yeksalî be. Ji nav berx an jî bizinan were hilbijartin.

Derketin 24:5

Piştre wî xortên gelê Îsraêl şandin ku qurbanên şewitandinê pêşkêşî Xudan bikin û wekî qurbanên aştiyê conegayan serjê bikin.

Derketin 29:18

Piştre tê tevahiya berên li ser gorîgehê bişewitînî. Ev qurbana şewitandinê ya ji bo Xudan e. Ev bêhna xweş û pêşkêşiya şewitandinê ya ji bo Xudan e.

Derketin 29:4

Tê Harûn û kurên wî bînî ber deriyê Konê Hevdîtinê û wan bişoyî.

Derketin 29:42

“Wê ev, di nav nifşên we de qurbana şewitandina hergavî be. Wê li ber deriyê Konê Hevdîtinê, li hizûra min ku em li wir hev bibînin û bi te re bipeyivim, bê pêşkêşkirin.

Derketin 32:6

Dotira rojê ew zû rabûn, qurbanên şewitandinê pêşkêş kirin û pêşkêşiyên aştiyê anîn. Gel rûnişt, xwar û vexwar. Paşê rabû da lotikan û bi hev lîstin.

Derketin 35:21

Her kesê dilxwaz û heweskar berê xwe da xizmeta Konê Hevdîtinê, ji bo kincên pîroz pêşkêşî ji Xudan re anî.

Derketin 35:29

Jin û mêr hemû Îsraêliyên dilxwaz, ji bo karên ku Xudan bi riya Mûsa li wan emir kiribûn, wan ji Xudan re pêşkêşiya dilxwaziyê anîn.

Derketin 35:5

Di nav xwe de ji bo Xudan pêşkêşiyan bînin. Her kesê ku dixwaze, bila pêşkêşiya Xudan a zêr, zîv, tûnc,

Derketin 36:3

Wan hemû pêşkêşiyên ku gelê Îsraêl ji bo xizmetkirina pîrozgehê anîbûn ji Mûsa standin. Gelê Îsraêl her sibe pêşkêşiya dilxwazî ji Mûsa re anîn.

Derketin 38:1

Besalêl gorîgeha qurbana şewitandinê ji dara aqasyayê çargoşe çêkir. Dirêjî û berfirehiya wê pênc gaz, bilindahiya wê sê gaz bû.

Îşaya 1:11

Xudan dibêje: “Min çi ji zêdebûna qurbanên we ye? Ez ji qurbanên şewitandinê yê beranan Û ji bezê golikên dermalekirî têr bûme. Xwîna conega, berx û nêriyan ne bi dilê min in.

Lêwiyî 1:10

“‘Heke pêşkêşî qurbana şewitandinê ya pêz be, mî yan bizin, divê nêr û bêqisûr be.

Lêwiyî 14:10

“Wê di roja heştan de, du berxên nêr ên bêqisûr, berxeke mê ya bêqisûr a yeksalî, pêşkêşiya dexlê ji dehan sisêya efaya arvanê hûrê ku bi zeytê hatiye hevîrkirin û logek zeyt bîne.

Lêwiyî 16:7

Piştre wê herdu nêriyan hilde û bibe hizûra Xudan, ber deriyê Konê Hevdîtinê.

Lêwiyî 17:4

û wekî pêşkêşiya ji Xudan re neyîne ber deriyê Konê Hevdîtinê, ber Meskenê Xudan, wê li ser wî zilamî xwîn bê hesibandin. Ji bo ku wî xwîn rijandiye, wê ji nav gelê xwe bê avêtin.

Lêwiyî 17:8

“Ji wan re bêje: ‘Kesê ji Mala Îsraêl an ji xerîbên di nav wan de dijîn ku qurbana şewitandinê yan qurbaneke din pêşkêş bike

Lêwiyî 17:9

û ji bo ku wê pêşkêşî Xudan bike, neyîne ber deriyê Konê Hevdîtinê, wê ji nav gelê xwe bê avêtin.

Lêwiyî 23:12

Di roja ku qevd hatiye hejandin de, hûnê wekî pêşkêşiya şewitandinê berxekî bêqisûr ê yeksalî pêşkêşî Xudan bikin.

Lêwiyî 23:18

Hûnê bi nên re heft berxên nêr ên yeksalî û bêqisûr, conegayek û du beranan pêşkêş bikin. Wê ev bi pêşkêşiya dexlê û pêşkêşiya rijandinê re, qurbana şewitandinê ya Xudan be. Wê ev pêşkêşiya şewitandinê bin a ku bêhna wan bi Xudan xweş tê.

Lêwiyî 3:1

“‘Heke pêşkêşî, qurbana aştiyê ya dewêr be, nêr an mê, divê ew heywanekî bêqisûr li hizûra Xudan pêşkêş bike.

Lêwiyî 4:15

Wê li hizûra Xudan, rîspiyên civakê destê xwe deynin ser serê conegê û wî li hizûra Xudan serjê bikin.

Lêwiyî 4:23

Gava haya wî ji gunehê kiriye hebe, wê nêriyekî bêqisûr pêşkêş bike.

Lêwiyî 4:3

Heke kahinê ku bi rûnkirinê hatiye kifşkirin guneh bike û bi vî awayî gel gunehkar bike, divê ji ber sûcê kiriye, wê wekî pêşkêşiya paqijiyê conegayekî bêqisûr pêşkêşî Xudan bike.

Lêwiyî 4:32

“‘Heke kesek wekî pêşkêşiya paqijiyê berxekê pêşkêş bike, divê mê û bêqisûr be.

Lêwiyî 5:15

“Heke kesek li ser tiştên pîroz ên Xudan bi nezanî guneh û nedilsoziyê bike, wê wekî pêşkêşiya berdêlê, beranekî bêqisûr pêşkêşî Xudan bike. Wê bihayê wî bi şekelê zîvîn, bi şekelê Pîrozgehê bê pîvan.

Lêwiyî 5:18

Wê wekî pêşkêşiya berdêlê ji pêz beranekî bêqisûr yan heywanekî ku bihayekî wî heye, ji kahin re bîne. Wê kahin ji bo gunehê ku wî bi nezanî kiriye kefaretê bide û wê ew kes bê bexişandin.

Lêwiyî 6:2

“Heke kesek bi vî awayî guneh û nedilsoziyê li dijî Xudan bike; di tiştekî ku lê hatiye emanetkirin, tiştekî ku danîne ba wî, yan di tiştekî ku hatiye dizîn de cîranê xwe bixapîne yan jî neheqiyê bike

Lêwiyî 6:8

Xudan ji Mûsa re got:

Lêwiyî 7:16

“‘Heke qurbana tê pêşkêşkirin nedreke sozdanê yan pêşkêşiya dilxwaziyê be, wê goştê wê roja ku hatiye pêşkêşkirin bê xwarin, yê mayî jî dotira rojê bê xwarin.

Lêwiyî 8:18

Paşê wî beranê qurbana şewitandinê anî. Harûn û kurên xwe destê xwe danîn ser serê berên

Lêwiyî 8:21

Wî ûr û rovî û pepikên wî bi avê şûştin û tevahiya berên li ser gorîgehê şewitand. Ev qurbana şewitandinê bû ku bêhna xweş bide. Ev pêşkêşiya şewitandinê ya ji bo Xudan bû. Çawa ku Xudan lê emir kiriye, Mûsa wiha kir.

Lêwiyî 9:2

Wî ji Harûn re got: “Ji bo pêşkêşiya paqijiyê golikekî bêqisûr û ji bo qurbana şewitandinê beranekî bêqisûr hilîne û pêşkêşî Xudan bike.

Zekeriya 13:7

“Ya şûr! Li dijî şivanê min, Li dijî kesê li ba min hişyar be!” Ev e gotina Xudanê Karîndar. “Li şivên bixe ku pez belav bin. Ezê destê xwe li dijî biçûkan rakim.”

Melaxî 1:14

Nalet li wî kesê xapînok be ku soza heywanê ji keriyê xwe daye, lê ji heywanê biqisûr pêşkêşî Reb dike! Çimkî ez padîşahê mezin im û wê milet ji navê min bitirsin” Xudanê Karîndar dibêje.

Hejmartin 15:3

û ji pêz an dewêr pêşkêşiya şewitandinê bikin ku bêhna wê bi Xudan xweş tê –dixwazî qurbana şewitandinê, dixwazî qurbaneke din a ku ji bo sozekê pêk bîne, wekî pêşkêşiya dilxwaziyê, yan jî, ji bo cejneke kifşkirî–

Hejmartin 15:8

Gava tu ji Xudan re qurbana şewitandinê yan qurbaneke din pêşkêş bikî ku sozekê pêk bîne yan wekî qurbana aştiyê,

Hejmartin 19:2

“Qanûna şerîeta ku Xudan li gelê Îsraêl emir kiriye ev e: Bila gelê Îsraêl çêlekeke sor a bêqisûr û bêkêmahî bîne ku neketiye bin nîran.

Hejmartin 23:19

Xwedê ne mirov e Ku derewan bike. Ew ne ji kurê mirovan e Ku fikra xwe biguherîne. Ma ew dibêje û nake? Yan jî soz dide û nake?

Hejmartin 23:27

Balaq ji Balam re got: “Ez lava dikim, were ez te bibim dereke din. Belkî di çavê Xwedê de xweş be û dibe ku tu li wir ji bo min naletê li wan bînî.”

Hejmartin 23:3

Balam ji Balaq re got: “Tu li ba qurbana şewitandinê bisekine, ezê hinekî herim pêş. Belkî Xudan li min xuya bibe û ew her çi ji min re bêje, ezê ji te re bêjim.” Piştre ew derket ser girekî tazî.

Hejmartin 23:30

Çawa ku Balam jê re got, Balaq wisa kir. Wî li ser her gorîgehê conega û beranekî pêşkêş kirin.

Hejmartin 28:11

Di serê her heyva nû de hûnê wekî qurbana şewitandinê ya Xudan du conega, beranek û heft berxên nêr ên yeksalî û bêqisûr pêşkêş bikin.

Hejmartin 28:19

Hûnê ji Xudan re wekî qurbana şewitandinê du conega, beranek û heft berxên nêr ên yeksalî pêşkêş bikin. Divê ew bêqisûr bin.

Hejmartin 28:31

Ji xeynî qurbana şewitandinê ya rojane û pêşkêşiya wê ya dexlê, hûnê van û pêşkêşiya wan a rijandinê jî pêşkêş bikin. Divê ew bêqisûr bin.

Hejmartin 29:13

Hûnê wekî qurbana şewitandinê ya ku bêhna wê bi Xudan xweş tê, sêzdeh conega, du beran, çardeh berxên nêr ên yeksalî pêşkêş bikin. Divê ew bêqisûr bin.

Hejmartin 29:2

Hûnê wekî qurbana şewitandinê ya ku bêhna wê bi Xudan xweş tê, conegayek, beranek û heft berxên nêr ên yeksalî pêşkêş bikin.

Lûqa 1:35

Milyaket lê vegerand û got: «Ruhê Pîroz wê bê ser te û tê bikevî bin hêza siya wî Yê Herî Berz. Ji ber vê yekê wê ji wî pîrozê ku wê ji te çêbe re Kurê Xwedê bê gotin.

Yûhenna 1:36

Dema wî dît ku Îsa derbas dibe, wî got: «Va ye, Berxê Xwedê!»

Yûhenna 10:7

Li ser vê yekê Îsa dîsa ji wan re got: «Bi rastî, bi rastî ez ji we re dibêjim, ez deriyê miyan im.

Yûhenna 10:9

Derî ez im; yê ku bi destê min bikeve hundir, ewê xilas bibe. Ewê bikeve hundir, jê derkeve û çêrê bibîne.

Korîntî II, 8:12

Çimkî eger dilxwazî hebe, dayîna yekî ne li gor tiştê ku di destê wî de tune, lê li gor tiştê ku di destê wî de heye, meqbûl e.

Korîntî II, 9:7

Ne bi bêdilî an ji mecbûrî, lê bila her kes wek ku xistiye dilê xwe bide. Çimkî Xwedê ji yê ku bi rûgeşî dide, hez dike.

Efesî 2:18

Çimkî bi rêberiya wî em herdu dikarin bi yek Ruhî derkevin ber Bav.

Efesî 5:27

da ku Civînê bi rewneqiya wê ve pêşkêşî xwe bi xwe bike, ku tu leke an qermîçek an tiştekî wek van li ser wê nebe, lê belê ew pîroz û bêleke be.

Dubarekirina Şerîetê 12:27

Hûnê qurbanên xwe yên şewitandinê, hem goşt hem xwînê li gorîgeha Xwedayê xwe Xudan pêşkêş bikin. Wê xwîna qurbanên we birije gorîgeha Xwedayê we Xudan, lê hûnê goştê wan bixwin.

Dubarekirina Şerîetê 15:21

Heke qisûreke wî hebe –kulek an kor be, kêmahiya nebaş hebe– hûnê ji Xwedayê xwe Xudan re qurban nekin.

Dubarekirina Şerîetê 17:1

“Hûnê pez û dewarekî ku qisûr û kêmahiya wê heye ji Xwedayê xwe Xudan re pêşkêş nekin. Çimkî ev ji bo Xwedayê we Xudan kirêt e.

Îbranî 7:26

Çimkî ji me re Serokkahînekî pîroz, bêsûc, bêqusûr, ji gunehkaran veqetiyayî û ji ezmanan hê bilindtir bûyî diviya.

Îbranî 9:14

hingê xwîna Mesîhê ku bi Ruhê herheyî xwe bêleke pêşkêşî Xwedê kiriye, wê hê çiqas zêdetir wijdana me ji kirinên mirî paqij bike, da ku em biperizin Xwedayê jîndar!