Lêwiyî 1:10 - Kurmanji Încîl

¹⁰ “‘Heke pêşkêşî qurbana şewitandinê ya pêz be, mî yan bizin, divê nêr û bêqisûr be.

Lêwiyî 1:10 Iomraidhean Croise

Destpêk 4:4

Habîl jî, ji keriyê xwe yên ku nû hatine dinyayê, yên qelew anî. Xudan Habîl û pêşkêşiya wî qebûl kir.

Destpêk 8:20

Nûh ji Xudan re gorîgehek çêkir û ji hemû heywan û teyrên paqij, qurbanên şewitandinê pêşkêş kirin.

Derketin 12:5

Divê pezê we bêqisûr, nêr û yeksalî be. Ji nav berx an jî bizinan were hilbijartin.

Lêwiyî 14:10

“Wê di roja heştan de, du berxên nêr ên bêqisûr, berxeke mê ya bêqisûr a yeksalî, pêşkêşiya dexlê ji dehan sisêya efaya arvanê hûrê ku bi zeytê hatiye hevîrkirin û logek zeyt bîne.

Lêwiyî 16:3

Wê Harûn bi conegayekî pêşkêşiya paqijiyê û beranekî qurbana şewitandinê bikeve Cihê Herî Pîroz.

Lêwiyî 16:5

Wê civaka Îsraêl, wekî pêşkêşiya paqijiyê du nêrî û wekî qurbana şewitandinê jî beranekî bide Harûn.

Lêwiyî 22:19

ji bo ku ji bo we bê qebûlkirin, pêşkêşiya dewar, mî yan bizin, divê nêr û bêqisûr be.

Lêwiyî 23:12

Di roja ku qevd hatiye hejandin de, hûnê wekî pêşkêşiya şewitandinê berxekî bêqisûr ê yeksalî pêşkêşî Xudan bikin.

Lêwiyî 3:1

“‘Heke pêşkêşî, qurbana aştiyê ya dewêr be, nêr an mê, divê ew heywanekî bêqisûr li hizûra Xudan pêşkêş bike.

Lêwiyî 4:23

Gava haya wî ji gunehê kiriye hebe, wê nêriyekî bêqisûr pêşkêş bike.

Lêwiyî 4:3

Heke kahinê ku bi rûnkirinê hatiye kifşkirin guneh bike û bi vî awayî gel gunehkar bike, divê ji ber sûcê kiriye, wê wekî pêşkêşiya paqijiyê conegayekî bêqisûr pêşkêşî Xudan bike.

Lêwiyî 5:15

“Heke kesek li ser tiştên pîroz ên Xudan bi nezanî guneh û nedilsoziyê bike, wê wekî pêşkêşiya berdêlê, beranekî bêqisûr pêşkêşî Xudan bike. Wê bihayê wî bi şekelê zîvîn, bi şekelê Pîrozgehê bê pîvan.

Lêwiyî 9:2

Wî ji Harûn re got: “Ji bo pêşkêşiya paqijiyê golikekî bêqisûr û ji bo qurbana şewitandinê beranekî bêqisûr hilîne û pêşkêşî Xudan bike.

Melaxî 1:14

Nalet li wî kesê xapînok be ku soza heywanê ji keriyê xwe daye, lê ji heywanê biqisûr pêşkêşî Reb dike! Çimkî ez padîşahê mezin im û wê milet ji navê min bitirsin” Xudanê Karîndar dibêje.

Hejmartin 15:5

Herwiha bi qurbana şewitandinê yan qurbana din re, wê ji bo her berxekî, çarîka hîneke şerabê wekî pêşkêşiya rijandinê pêşkêş bikî.

Hejmartin 19:2

“Qanûna şerîeta ku Xudan li gelê Îsraêl emir kiriye ev e: Bila gelê Îsraêl çêlekeke sor a bêqisûr û bêkêmahî bîne ku neketiye bin nîran.

Hejmartin 6:14

Wê kesê sozdana nezîriyê daye wekî qurbana şewitandinê berxekî nêr ê yeksalî yê bêqisûr û wekî pêşkêşiya paqijiyê berxeke mê ya yeksalî ya bêqisûr, wekî pêşkêşiya aştiyê beranekî bêqisûr,

Yûhenna 1:29

Dotira rojê Yûhenna dît ku Îsa ber bi wî ve tê. Û wî got: «Va ye! Berxê Xwedê yê ku gunehên dinyayê radike.

Petrûs I 1:19

lê belê bi berdêla xwîna Mesîh a hêja û wek berxekî bêleke û bêkêmahî hûn hatine kirrîn.