Daniyêl 4:34 - Kurmanji Încîl

³⁴ “Piştî ku ew dem temam bû, ez Nebûxadnessar, min çavê xwe ber bi ezman ve rakir û hişê min hat serê min. Min pesnê Yê Herî Berz da. Min Yê ku her û her Jîndar bi rûmet û berz kir. “Serweriya wî, serweriya herheyî ye, Padîşahiya wî nifş bi nifş didome.

Daniyêl 4:34 Iomraidhean Croise

Samûêl II, 22:31

“Riya Xwedê temam û kamil e, Gotina Xudan xas e. Ew ji her kesê ku xwe dispêre wî re mertal e.

Dîrok I, 29:10

Dawid li ber çavê tevahiya civakê pesindariya Xudan kir. Dawid got: “Tu ji herheyiyê heta hetayê pîroz bî, Xwedayê bavkalê me Îsraêl Xudan!

Dîrok I, 29:13

Niha, ya Xwedayê me, em şikirdariya te dikin. Em pesnê navê te yê berz didin.

Eyûb 1:21

û got: “Ez tazî ji zikê diya xwe ketim, Ezê tazî vegerim. Xudan da, Xudan stand. Bila navê Xudan pîroz be.”

Zebûr 10:16

Padîşah e, her û her Xudan, Namîne li diyarê wî tu tişt ji miletan.

Zebûr 102:24

Min got, «Ey Xwedayê min, di nîvê rojên min de tu min nestîne! Salên te, dewran bi dewran dajon!

Zebûr 107:15

Bila spas bikin ji bo kerema Xudan, Ji bo karên wî yên ku kirî ji bo mirovan,

Zebûr 107:22

Bila gorîyên spaskirinê pêşkiş bikin, Û bi qîrînên şahiyê kirinên wî bidin bihîstin!

Zebûr 107:31

Bila spas bikin ji bo kerema Xudan, Ji bo karên wî yên ku kirî ji bo mirovan.

Zebûr 107:8

Bila spas bikin ji bo kerema Xudan, Ji bo karên nedîtî yên ku kirî ji bo mirovan.

Zebûr 111:7

Karên destê wî dilsoz û bi dad in, Hemû şertên wî, berbawer in;

Zebûr 121:1

Ez çavên xwe bilind dikim çiyan, Wê ji kuderê were alîkarî?

Zebûr 123:1

Ey yê li textê ezmanan rûniştî, Min çavên xwe li te hildan!

Zebûr 145:13

Padîşahiya te padîşahiya her û her e, Herdem dajo serweriya te. Xudan, di hemû sozên xwe de dilsoz e, Di her karên xwe de dilovan e.

Zebûr 146:10

Serweriya Xudan her û her berdewam e, Ey Siyon, Xwedayê te ji bo hemû nifşan e. Pesnê Xudan bidin.

Zebûr 50:14

Tu goriya spasiyê pêşkiş bike Xwedê, Sozên ku te dane Yê Herî Berz, bîne cih.

Zebûr 66:7

Bi hêza wî, serwerî her û her dajo, Çavên wî bi baldarî li ser miletan e; Bila serhildêr xwe bilind mekin!

Zebûr 7:17

Sipasdar im ji bo rastiya Xudan, Lavijan dibêjim ji bo navê wî yê mezin.

Zebûr 9:2

Ezê bi te dilgeşiyê bibînim, bikim kêfan. Bi îlahiyan bidim pesnê te, ey Berzê Berzan!

Zebûr 92:1

Ya Xudan, ji te re spaskirin, Ey Yê Herî Berz, bi lavijan pesnê navê te dayin,

Îşaya 13:11

Ezê dinyayê ji ber xerabiya wê, Xeraban ji ber neheqiya wan ceza bikim. Ezê dawiya pozbilindiya qureyan bînim, Ezê quretiya zordaran nizim bikim.

Îşaya 2:11

Wê çavên bilind bên nizimkirin, Pozbilindiya mirovan bê şikandin. Wê rojê wê tenê Xudan bê berzkirin.

Îşaya 24:15

Loma kesên li rojhilat Xudan birûmet bikin! Kesên keviyên deryayan, Navê Xwedayê Îsraêl Xudan birûmet bikin!

Yêremya 10:10

Lê Xudan, Xwedayê Rast e, Xwedayê Jîndar û Padîşahê herheyî ew e. Ji hêrsa wî dinya dilerize Û milet li ber xezeba wî xwe ranegirin.

Lavijên Şînê 3:38

Ma gotina devê Xwedayê Herî Berz Hem qencî hem xerabî nayîne?

Daniyêl 12:7

Min zilamê ku li ser ava çêm e û kitan li xwe kiriye bihîst. Wî destê xwe yê rastê û destê xwe yê çepê ber bi ezmanan ve bilind kir, bi navê yê ku her û her dijî sond xwar û got: “Wê ji bo demekê, ji bo sê sal û nîvan bidomîne. Gava hêza gelê pîroz bi tevahî qedandin, wê ev tişt hemû biqedin.”

Daniyêl 2:44

“Di rojên wan padîşahan de wê Xwedayê Ezmanan padîşahiyeke wiha ava bike ku tu caran hilneweşe û qet nekeve destê miletekî din. Wê ev padîşahî, hemû padîşahiyan perçe bike, biqedîne û wê her û her bimîne.

Daniyêl 4:2

Min xwest ku ez nîşan û karên nedîtî yên ku Xwedayê Herî Berz ji bo min kirine ji we re bêjim.

Daniyêl 4:26

Madem emir kirin û gotin bila kok û qurmê darê bimîne, piştî ku tu hînbûyî serweriya ezmanan didome, wê padîşahiya te li te vegerînin.

Daniyêl 4:3

“Nîşanên wî çiqas mezin in! Karên wî yên nedîtî berz in. Padîşahiya wî herheyî ye, Serweriya wî nifş bi nifş didome.

Daniyêl 4:32

Tê ji nav mirovan bêyî avêtin û bi heywanên çolê re bijî. Tê wekî dewaran giya bixwî. Heta dema ku tu hîn bûyî Yê Herî Berz di ser padîşahiya mirovan re serweriya xwe didomîne û dilê wî ji kê re bixwaze, padîşahiyê dide wî, wê heft dem di ser re derbas bibe.”

Daniyêl 4:36

“Wê gavê hişê min hat serê min. Ji bo berziya padîşahiya min, rûmet û rewnaqiya min dîsa li min hat zivirandin. Şêwirmendên min û zilamên min ên mezin li min geriyan. Ez gihîştim padîşahiya xwe û ez ji berê mezintir bûm.

Daniyêl 5:18

“Ya padîşah, Xwedayê Herî Berz padîşahî, mezinahî, berzî û rewnaqî da bavkalê te Nebûxadnessar.

Daniyêl 5:21

Ji nav mirovan hat avêtin û dilê wî bû wekî dilê heywanan. Bi kerên çolê re jiya, wekî dewaran giya xwar û bedena wî li ber xunava ezmanan şil bû. Heta ku hîn bû serweriya Xwedayê Herî Berz di ser padîşahiya mirovan re ye û dilê wî ji kê re bixwaze padîşahiyê dide, wisa ma.

Daniyêl 6:26

Fermana min e, bila hemû mirovên di padîşahiya min de dijîn ji Xwedayê Daniyêl bitirsin û bilerizin. “Xwedayê Jîndar ew e, Wê her û her hebe. Wê padîşahiya wî hilneweşe, Serweriya wî her û her e.

Daniyêl 7:14

Serwerî, berzî û padîşahî hat dayîn wî ku hemû gel, milet û ziman jê re xulamî bike. Serweriya wî serweriyeke herheyî ye û padîşahiya wî wê tu caran hilneweşe.”

Daniyêl 7:27

Wê padîşahî û serwerî, padîşahiyên bin ezmanan ên mezin bidin pîrozê gelê Yê Berz û padîşahiya wî her û her be. Wê hemû serwer jê re xulamiyê bikin û serî li ber wî deynin.’

Daniyêl 9:14

Îcar Xudan dev ji xerabiya ku bi ser me de anî berneda. Çimkî her tiştê ku Xwedayê me Xudan dike rast e. Lê me guhdariya dengê wî nekir.

Ûnis 1:14

Gazî Xudan kirin û gotin: “Ya Xudan, em ji te lava dikin, nehêle ku em ji ber vî mirovî helak bibin. Gunehê wî nexe stûyê me. Ya Xudan, te çawa xwest wisa jî kir.”

Mîxa 4:7

Ezê kesên ketî bidim jiyandin Û kesên sirgûnbûyî bikim miletekî hêzdar. Ezê li Çiyayê Siyonê, Ji niha û heta hetayê bibim Padîşahê wan.”

Lûqa 1:33

Û ewê her û her li ser mala Aqûb padîşahiyê bike û dawiya padîşahiya wî nayê.»

Lûqa 18:13

Lê yê bacgir ji dûr ve rawesta û nedixwest çavên xwe jî ber bi ezmên ve hilde; wî li singê xwe dixist û digot: ‹Ya Xwedê, li min gunehkarî were rehmê!›

Yûhenna 5:26

Çimkî çawa ku Bav serkaniya jiyanê ye, bi vî awayî wî kir ku Kur jî serkaniya jiyanê be.

Dubarekirina Şerîetê 32:4

Ew zinar e, karê wî kamil e, Hemû riyên wî adil in. Ew Xwedayê dilsoziyê ye, neheqiyê nake, Ew rast û dirust e.

Tîmotʼêyo I 1:17

Îcar ji wî Padîşahê herheyî yê ku namire û li çavan xuya nabe, ji Xwedayê tenê re her û her hurmet û rûmet be! Amîn.

Tîmotʼêyo I 6:16

Ew bi tenê bêmirin e û di ronahiya ku tu kes nikare nêzîk bibe de rûdine. Û ji mirovan tu kesî ew nedîtiye û nikare bibîne. Hurmet û karîna herheyî ji wî re be! Amîn.

Peyxam 10:6

Û wî bi wî yê ku her û her dijî, yê ku ezman û yên ku tê de ne, erd û yên ku te de ne, derya û yên ku tê de ne afirandine, sond xwar û got: «Êdî wê bi derengmayîn nebe.

Peyxam 11:15

Milyaketê heftan li boriyê xist û li ezmên dengên mezin çêbûn ku digotin: «Padîşahiya dinyayê bû ya Xudanê me û ya Mesîhê wî. Ewê her û her padîşahiyê bike».

Peyxam 4:10

bîst û çar rihspî li ber yê ku li ser text rûniştiye deverû diçin ser çokan, diperizin wî yê ku her û her dijî û tacên xwe datînin ber text û dibêjin:

Peyxam 4:9

Û her cara ku çar afirîdên jîndar rûmet, hurmet û şikiriyê didin yê ku li ser text rûniştiye û her û her dijî,