Daniyêl 2:12 - Kurmanji Încîl

¹² Li ser vê yekê padîşah gelek hêrs bû û emir kir ku li Babîlê hemû zilamên şehreza bên kuştin.

Daniyêl 2:12 Iomraidhean Croise

Eyûb 5:2

Bi rastî keder kesê ehmeq dikuje, Hesûdî mirovê sexik tune dike.

Zebûr 76:10

Ya rast, xezeba mirov ji te re pesindan e, Xezeba bermayî, ji bo te bêziyan e

Methelokên 16:14

Hêrsbûna padîşah qasida mirinê ye, Kesê şehreza, wê aş dike.

Methelokên 19:12

Hêrsa padîşah wekî himîna şêrê ciwan e, Lê razîbûna wî wekî xunava ser giyê ye.

Methelokên 20:2

Tirs û sawa padîşah wekî himîna şêrê ciwan e, Her kesê wî hêrs bike, canê wî tune dike.

Methelokên 29:22

Mirovê hêrs pevçûnê dertîne Û serhildana kesê hêrsok kêm nabe.

Daniyêl 2:24

Paşê Daniyêl dîsa çû ba Aryokê ku padîşah ji bo kuştina şehrezayên Babîlê ew kifş kiribû. Daniyêl jê re got: “Tu şehrezayên Babîlê nekuje. Min bibe ba padîşah ku ez xewna wî şirove bikim.”

Daniyêl 2:5

Padîşah ji wan re got: “Biryara min ev e: Heke hûn xewnê û şiroveya wê ji min re nebêjin, hûnê bên perçekirin û wê xaniyên we bibin şikêra keviran.

Daniyêl 3:13

Li ser vê yekê Nebûxadnessar bi hêrseke mezin emir kir ku Şadrak, Mêşak û Eved-Nego bînin. Ew anîn pêşberî padîşah.

Daniyêl 3:19

Nebûxadnessar gelek li Şadrak, Mêşak û Eved-Nego hêrs bû û mirûzê wî tirş bû. Wî emir kir ku tenûr, heft car ji caran bêtir bê sincirandin.

Daniyêl 5:19

Ji ber mezinahiya ku da wî, hemû gel, milet û ziman jê tirsiyan û li ber wî lerizîn. Wî bixwesta dikuşt, bixwesta sax dihişt. Bixwesta bilind dikir, bixwesta nizim dikir.

Metta 2:16

Gava Hêrodês fêm kir ku ji aliyê stêrnasan ve hatiye xapandin, gelek hêrs bû. Li ser vê yekê, tam li gor wî çaxê ku ji stêrnasan hîn bûbû, li Beytlehm û li hemû der û dora wê, fermana kuştina hemû zarokên kurîn ên du salî û ji diduyan biçûktir derxist.

Metta 5:22

Lê ez ji we re dibêjim, her kesê ku li birayê xwe hêrs bibe, wê bê dîwankirin. Û kî ku ji birayê xwe re bêje: ‹Bêmejî!› wê li ber Dîwana Bilind bê kişandin pirsyarê. Û kî ku bêje: ‹Ehmeq!› ewê agirê dojehê heq bike.