Dadger 4:3 - Kurmanji Încîl

³ Gelê Îsraêl li Xudan kir hewar. Çimkî neh sed erebeyên wî yên hesin hebûn û wî bîst salan zordariya dijwar li gelê Îsraêl kir.

Dadger 4:3 Iomraidhean Croise

Zebûr 106:42

Dijminên wan ew pelçiqandin, Serî li hemûyan tewandin.

Zebûr 50:15

Di roja xwe ya teng de gazî min bike, Ezê te rizgar bikim, tê rûmetê bidî min.

Zebûr 78:34

Gava wî ew dikuştin, ew li wî digeriyan, Ew poşman dibûn û bi dilxwazî bi pey Xwedê diketin.

Derketin 2:23

Gelek sal derbas bûn. Wext hat ku Padîşahê Misrê mir. Gelê Îsraêl hê jî di bin koletiyê de dinaliya û dikir hewar. Dem hat hewara wan gihîşt Xwedê.

Dubarekirina Şerîetê 28:29

Çawa ku kesên kor di tariyê de bi dest û lepan bimeşin, tê nava rojê wisa bimeşî û di riyên xwe de bi ser nekevî. Wê herdem zor li te bê kirin, tê bêyî şelandin û wê tu kes te rizgar neke.

Dubarekirina Şerîetê 28:33

Wê miletekî ji bo te nenas berê axa te û hemû keda te bixwe. Wê herdem zor li te bê kirin û tê bêyî şikandin.

Yêşû 17:16

Ûsiviyan got: “Herêma çiyayî têra me nake. Lê hem Kenaniyên Bêtşean û gundên wê, hem jî yên Deşta Yîzreyêlê xweyên erebeyên şer ên hesin ne.”

Dadger 1:19

Xudan bi eşîra Cihûda re bû. Wan herêma çiyayî ji xwe re kir milk, lê ew nikaribûn şêniyên deştê biqewitînin. Çimkî erebeyên wan ên şer ên hesin hebûn.

Dadger 10:10

Gelê Îsraêl ji Xudan re kir hewar û got: “Me li dijî te guneh kir. Me dev ji Xwedayê xwe berda û xulamiya pûtên Baal kir.”

Dadger 10:16

Wan îlahên xerîb ji nav xwe avêtin û xulamiya Xudan kir. Dilê Xudan jî bar nebû ku gelê Îsraêl derdan zêdetir bikişîne.

Dadger 3:15

Lê gava gelê Îsraêl ji Xudan re kir hewar, wî ji bo wan rizgarkarek derxist. Navê wî Êhûdê kurê Gêra bû. Ew ji Binyamîniyan û çep bû. Gelê Îsraêl bi destê wî ji Eglonê Padîşahê Moavê re bac şand.

Dadger 3:9

Lê gava gelê Îsraêl li Xudan kir hewar, wî rizgarkarekî bi navê Otniyêl ji bo wan derxist ku wan rizgar bike. Otniyêl, kurê Qenazê birayê biçûk ê Kalêv bû.

Dadger 4:13

wî hemû erebeyên xwe, neh sed erebeyên hesin û hemû zilamên pê re ji Haroşet-Goyîmê deranî û li Geliyê Qîşonê civandin.

Dadger 4:4

Wê gavê Deboraya Pêxember a jina Lappîdot serweriya gelê Îsraêl dikir.

Dadger 5:8

Gava îlahên nû hilbijartin, Şer li nav dergehên bajêr bû. Di destê çil hezar leşkeran de, Li welatê Îsraêl ne rim, ne mertal hebû.

Dadger 6:6

Ji ber Mîdyaniyan, gelê Îsraêl gelek belengaz bû. Wan ji Xudan re kir hewar.

Samûêl I, 7:8

Ji Samûêl re got: “Dev ji hewarkirinê bernede ku Xwedayê me Xudan, me ji destê Filîstiyan rizgar bike.”