Dadger 4:14 - Kurmanji Încîl

¹⁴ Debora ji Baraq re got: “De rabe! Roja ku Xudan Sîsera bide destê te, îro ye! Wê Xudan li pêş te here.” Li ser vê yekê Baraq bi deh hezar kesan re ji Çiyayê Tavorê daket.

Dadger 4:14 Iomraidhean Croise

Destpêk 19:14

Lût derket derve û ji zavayên xwe ango dergistiyên keçên xwe re got: “Lez bikin û ji vê derê herin. Çimkî Xudan dike vî bajarî wêran bike.” Lê zavayên wî guman kirin ku ew henekan dike.

Destpêk 44:4

Hê ew ji bajêr dûr neketibûn Ûsiv ji keyayê xwe re got: “Rabe, bide pey wan û çaxê tu gihîştî wan, ji wan re bêje: ‘We çima ji ber qenciyê xerabî kir?

Samûêl II, 5:24

Dema te ji jora darên belesanê dengê meşê bihîst, bilezîne. Çimkî Xudan da pêşiya te û wê artêşa Filîstiyan têk bibe.”

Îşaya 52:12

Çimkî hûnê bi lez dernekevin, Hûnê bi rev neçin. Çimkî wê Xudan li pêşiya we here, Xwedayê Îsraêl wê parêzvanê li pey we be.

Mîxa 2:13

Wê Xwedê rabe, rê veke û li pêş gel bimeşe. Wê gel dergehê bajêr bişikêne û derkeve derve. Wê Padîşahê wan li pêş wan here, Wê Xudan li ser serê wan be.

Dubarekirina Şerîetê 9:3

Îro bizanibin, yê ku li pêşiya we wekî agirekî ku dixwe û tune dike, Xwedayê we Xudan e. Wê wan tune bike û li ber we nizim bike. Çawa ku Xudan ji we re got, hûnê zû wan biqewitînin û tune bikin.

Yêşû 10:8

Xudan ji Yêşû re got: “Ji wan netirse. Min ew dan destê te. Wê tu kes ji wan nikaribe li ber te bisekine.”

Yêşû 7:13

Rabe! Gel pak bike û bêje: ‘Ji bo sibê xwe pak bikin. Çimkî Xwedayê Îsraêl Xudan wiha dibêje: Ya gelê Îsraêl! Di nav we de tiştên ku hatiye veqetandin hene, heta hûn tiştên ku hatine veqetandin ji nav xwe dernexin, hûnê nikaribin li dijî dijminên xwe li ber xwe bidin.’

Dadger 19:28

Wî jê re got: “Rabe, em herin.” Wê bersiv neda. Li ser vê yekê wî ew li kerê siwar kir û berê xwe da mala xwe.

Dadger 4:10

Baraq eşîrên Neftelî û Zevûlon li Qedeşê civandin. Deh hezar kes li pey wî bûn. Debora jî pê re çû.

Dadger 7:9

Wê şevê Xudan ji Gîdyon re got: “Rabe, êrîşî artêşgehê bike. Çimkî min ew dan destê te.

Samûêl I, 9:26

Ber destê sibê rabûn. Samûêl, ji ser bên gazî Şawûl kir û got: “Rabe ezê te bişînim.” Şawûl bi Samûêl re derket derve.