Dadger 2:1 - Kurmanji Încîl

¹ Milyaketê Xudan ji Gîlgalê derket Boxîmê û ji gelê Îsraêl re got: “Min hûn ji Misrê deranîn û anîn welatê ku min ji bav û kalên we re soz dabû. Min got: ‘Ezê peymana ku min bi we re çêkiriye tu caran xera nekim.

Dadger 2:1 Iomraidhean Croise

Destpêk 12:7

Xudan li Avram xuya bû û got: “Ezê vî welatî bidim ziriyeta te.” Avram li wir ji Xudan re gorîgehek çêkir ku lê xuya bû.

Destpêk 16:13

Wê navê Xudanê ku pê re peyivî wiha danî: “Tu ‘Êl-Royî’ yî.” Çimkî wê got: “Li vir min yê ku min dibîne dît.”

Destpêk 48:16

Milyaketê ku ez ji her xerabiyê rizgar kir, Van kuran pîroz bike. Bila ew bi navê min, Bi navê bavkalên min Îbrahîm û Îshaq bên gazîkirin, Li ser rûyê erdê gelek zêde bibin.”

Zebûr 89:3

Te got, «Min bi bijartiyê xwe re peyman danî, Ji evdê xwe Dawid re sond xwar:

Zebûr 89:34

Peymana xwe xera nakim, Ya ku ji lêvên min derketiye naguhêrim.

Derketin 14:14

Wê Xudan ji bo we şer bike, xema nexwin.”

Derketin 14:19

Milyaketê Xwedayê ku li pêşiya artêşa Îsraêliyan rêve diçû cihê xwe guhert û da pey wan. Stûna ewran jî ya ku li pêşiya wan bû, cihê xwe guhert û li pişt wan sekinî.

Derketin 20:2

“Ez Xwedayê te Xudan im ku tu ji welatê Misrê, ji warê koletiyê deranî.

Derketin 23:20

“Va ye, ez li pêşiya te milyaketekî dişînim ku di rê de te biparêze û te bibe axa ku min amade kiriye.

Derketin 33:14

Xudan got: “Wê hizûra min bi te re here û ezê rihetiyê bidim te.”

Îşaya 63:9

Di tevahiya tengasiya wan de ew aciz bû. Milyaketê ku ji hizûra wî hat ew rizgar kirin. Erê, Xudan bi hezkirin û rehma xwe ew rizgar kirin, Ew hildan û di hemû rojên borî de ew hilgirtin.

Yêremya 14:21

Ji bo xatirê navê xwe me kêm nebîne, Textê xwe yê birûmet erzan neke. Peymana te bi me re kiriye bi bîr bîne û xera neke.

Lêwiyî 26:42

wê gavê ezê peymana xwe ya ku min bi Aqûb re çêkiriye bi bîr bînim. Erê, ezê peymana ku min bi Îshaq û Îbrahîm re çêkiriye û welêt bi bîr bînim.

Lêwiyî 26:44

Bi ser vê yekê jî, gava ew li welatê dijminan in, ezê wan red nekim. Ezê nefretê nekim ku wan telef bikim û peymana xwe ya ku min bi wan re çêkiriye bişikênim. Çimkî ez Xwedayê wan Xudan im.

Zekeriya 11:10

Min rahişt darê xwe yê bi navê “Kerem” û ew şikand. Bi vî awayî ez peymana ku min bi tevahiya gelan re kiriye xera dikim.

Melaxî 3:1

“Va ye ez qasidê xwe dişînim. Wê rê li pêşiya min amade bike. Rebê ku hûn lê digerin, wê jinişkave bê Perestgeha xwe. Qasidê peymana ku dilê we pê xweş e, wê bê” Xudanê Karîndar dibêje.

Hejmartin 14:34

Li gorî hejmara rojên ku we lêkolîna welêt kir ango çil rojan, ji bo her rojekê salek ango hûnê çil salan cezayê sûcê xwe bikişînin. Hûnê bizanibin ku min rûyê xwe ji we vegerandiye.’

Dubarekirina Şerîetê 1:8

Va ye min ev welat da ber we. Herin wî welatî ji xwe re bikin milk ku min ji bav û kalên we Îbrahîm, Îshaq û Aqûb re sond xwaribû ku ez bidim ziriyeta wan.’

Dubarekirina Şerîetê 4:34

Ma tu îlahekî wekî ku Xwedayê we Xudan li ber çavê we li Misrê kir, bi ceribandinan, bi nîşanan, bi kerametan, bi şer, bi destê hêzdar û zendê dirêjkirî, bi kirinên mezin û tirsdar, çû û ji nav miletekî, ji bo xwe miletekî din deranî?

Dubarekirina Şerîetê 7:9

Bizanibin ku Xwedayê we Xudan, Xwedê ye. Ew Xwedayê dilsoz e û ji bo kesên ku jê hez dikin û emrên wî pêk tînin, heta hezar nifşî bi peymana xwe ve girêdayî dimîne

Yêşû 3:10

Wî berdewam kir û got: “Hûnê bi vê yekê bizanibin ku Xwedayê Jîndar di nav we de ye û wê bi rastî ji pêş we Kenanî, Hîtîtî, Hîwî, Perîzzî, Gîrgaşî, Amorî û Yevûsiyan biqewitîne:

Dadger 11:24

Ma Kemoşê îlahê te, axê bi milkî da te, tê lê xweyî dernekevî? Gelo emê jî welatê ku gelên Xwedayê me Xudan ji ber me qewitandin, nekin milk?

Dadger 13:2

Ji eşîra Dan, zilamekî Sorayî hebû. Navê wî Manoah bû. Jina wî kordunde bû û zarok nedianî.

Dadger 13:3

Milyaketê Xudan li jinikê xuya bû û got: “Tevî ku tu kordunde î û tu zarokan nayînî jî, tê bi zaro bimînî û kurekî bînî.

Dadger 2:5

Loma wan navê wê derê Boxîm danî û li wir ji Xudan re qurban serjê kirin.

Dadger 6:8

Xudan ji wan re pêxemberek şand. Wî ji wan re got: “Xwedayê Îsraêl Xudan wiha dibêje: ‘Min hûn ji Misrê, ji warê koletiyê deranîn.