Югьан 7:3 - Сыйлы Китап Янгы Разилешивню

³ Инилери Огъар: – Мундан гетип, Ягьудеягъа бар! Сен этеген ишлени якъчыларынг да гёрсюнлер.

Югьан 7:3 Iomraidhean Croise

Маттай 12:46

Иса халкъгъа шолай сёйлеп турагъанда, Ону булан сёйлемеге сююп, анасы ва инилери гелип, къырда токътайлар.

Марк 3:21

Исаны къардашлары шону эшитген заманда, Ону алмагъа геле, неге тюгюл: «О гьакъылдан тайышгъан», – дей болгъанлар.

Марк 3:31

Сонг Исаны анасы ва инилери гелелер. Оьзлер къырда къалып, Ону чакъырмагъа йиберелер.

Лукъа 8:19

Бир керен Исаны янына Ону анасы ва инилери геле. Амма халкъны кёплюгюнден олар Ону ювугъуна барып болмайлар.

Лукъа 8:20

Огъар: – Сени ананг ва инилеринг, Сени гёрме сююп, къырда токътагъанлар, – деп билдирелер.

Югьан 2:2

Иса булан Ону якъчылары да шо тойгъа чакъырылгъан болгъан.

Югьан 6:60

Ону якъчыларыны бир хыйлылары муну эшитгенде: – Булай уьйретивню къабул этмеге къыйын. Ону ким къабул этмеге бола? – деп сёйлейлер.

Югьан 6:66

Шо замандан сонг Исаны якъчыларыны бир кёплери Ону къоялар ва дагъы Ону булан бармайлар.

Югьан 7:10

Инилери байрамгъа гетгенде, Иса да онда бара, тек ачыкъ ачыкъдан тюгюл, яшыртгъынлай бара.

Югьан 7:4

Оьзю белгили болма сюеген адам этеген ишлерин яшыртгъынлыкъда сакъламас. Бу ишлени Сен эте болгъан сонг, Оьзюнгню дюньягъа да ачыкъ эт! – дей.

Югьан 7:5

Гьатта инилери де Огъар иман салып битмей болгъанлар.

Элчилер 2:14

Он бир элчи де булан бирче гётерилип, тавушун да бек чыгъарып, Петер олагъа булай дей: – Гьей ягьудеялы къардашлар ва бары да Ерусалимде яшайгъанлар! Мен сизге бу гьайран иш не демек экенни англатайым. Мени сёзлериме тергевлю кюйде тынглагъыз!