Югьан 6:5 - Сыйлы Китап Янгы Разилешивню

⁵ Гёз къаратып, Иса янына кёп адамлар гелегенин гёргенде, Филипге: – Оланы тойдурмакъ учун, экмекни къайдан сатып алайыкъ? – деп сорай.

Югьан 6:5 Iomraidhean Croise

Маттай 15:33

Якъчылары Огъар: – Бу къадар халкъны тойдурмагъа чакъы ашны бирев де ёкъ ерден къайдан табайыкъ? – деп сорайлар.

Марк 6:32

Олар къайыкъгъа да минип, халкъдан ари бир чет ерге баралар.

Лукъа 9:10

Къайтгъан сонг, элчилер Исагъа оьзлер этген ишлени гьакъында айталар. О да оланы Оьзю булан алып, Байтсайда деп айтылагъан шагьарны ювугъундагъы бир чет ерге гете.

Югьан 1:43

Эртенине Иса Галилеягъа бармагъа сюе. Филипни табып, огъар: – Гел, Мени артыма тюш! – дей.

Югьан 1:44

Филип де Андрей булан Петер турагъан Байтсайда юртдан болгъан.

Югьан 1:45

Филип, Натанайылны табып, огъар: – Биз Мусаны Къанунунда ва пайхаммарланы китапларында Оьзюню гьакъында язылгъан Адамны тапдыкъ. О Юсупну Уланы назаретли Иса, – дей.

Югьан 1:46

– Назаретден гьеч шайлы зат чыгъармы? – деп сорай Натанайыл огъар. – Гелип, оьзюнг къара, – дей Филип огъар.

Югьан 1:48

– Сен мени къайдан таныйсан? – деп сорай Натанайыл Огъар. – Филип чакъыргъынча алда, сен инжир терекни тюбюнде турагъанда гёрдюм, – деп жавап бере Иса.

Югьан 4:35

Сиз: «Ашлыкълар бишмеге гьали де дёрт ай бар», – демедигизми? Сизге айтаман: авлакълагъа гёзлеригизни ачып къарагъыз, ашлыкълар саргъайып тура, оланы ормагъа заманы да етишген!