Югьан 20:26 - Сыйлы Китап Янгы Разилешивню

²⁶ Сегиз гюнден сонг Исаны якъчылары дагъы да уьйде бирче болалар. Бу гезик Тома да олар булан бола. Эшиклер бегилген. Иса гелип, орталыкъда эретуруп: – Уьюгюзге яхшылыкъ! – дей.

Югьан 20:26 Iomraidhean Croise

Маттай 17:1

Алты гюнден сонг, Иса Петерни, Якъубну ва ону иниси Югьанны да Оьзю булан алып, оланы бир бийик тавгъа чыгъара.

Марк 16:14

Ахырда да О ашап турагъан он бир якъчысына гёрюне. Иса Оьзюню тирилгенин гёргенлеге инанмагъаны учун, имансызлыгъы ва юреклерини енгилмейгени учун, олагъа айып эте.

Лукъа 24:36

Якъчылары сёйлеп турагъанда, Иса бирден Оьзю оланы арасына гелип токътай ва: – Уьюгюзге яхшылыкъ, – дей.

Лукъа 9:28

Бу сёзлени сёйлеп сегиз гюнден сонг, Петерни, Югьанны ва Якъубну да алып, Иса дуа этмек учун тавгъа чыгъа.

Югьан 11:16

Оьзюне Эгиз деп айтылагъан Тома Исаны якъчыларына: – Юрюгюз, Ону булан бирче биз де оьлейик! – дей.

Югьан 14:27

Мен сизге парахатлыкъ къоюп гетемен. Парахатлыгъымны сизге беремен. Мен сизге дюнья берегени йимик парахатлыкъ бермеймен. Юреклеригизден гьалекликни тайдырыгъыз! Тартынмагъыз ва къоркъмагъыз!

Югьан 20:19

Шо къаттыгюн ахшам, Оьзюню якъчылары жыйылагъан уьйню эшиклери ягьудилени башчыларындан къоркъуп бегитилген заманда, Иса гелип, орталыкъда да токътап, олагъа: – Уьюгюзге яхшылыкъ! – дей.

Югьан 20:21

Иса да къайтып олагъа: – Уьюгюзге яхшылыкъ! Атам Мени йибергенде йимик, Мен де сизин йиберемен, – дей.

Югьан 21:1

Мундан сонг Иса Галилея кёлню ягъасында якъчыларына бирдагъы керен гёрюне. Шо булай бола:

Югьан 21:14

Оьлюп тирилгенден сонг, Иса якъчыларына гёрюнегени бу уьчюнчю керен болгъан.

Элчилер 1:3

Оьлюмню азабын чекгенден сонг, бир кёп инандырагъан далиллер булан Иса элчилерине Оьзю гертиден де тирилгенин гёрсетген. Тирилгенден сонг, Иса олагъа къыркъ гюнню ичинде гёрюне туруп, Аллагьны гьакимлиги гьакъда англатып тургъан.