Югьан 15:12 - Сыйлы Китап Янгы Разилешивню

¹² Муна сизге Мени буйругъум: Мен сизин сюйгеним йимик, сиз де бир биригизни сююгюз!

Югьан 15:12 Iomraidhean Croise

Югьан 13:34

Сизге Мен янгы буйрукъ беремен: бир биригизни сююгюз. Мен сизин нечик сюйдюм буса, сиз де бир биригизни шолай сююгюз.

Югьан 15:17

Муна сизге Мени буйругъум: бир биригизни сююгюз!

Румдагъылагъа 12:10

Бир биригизни, бир агьлюдеги адамлар йимик, къардашлыкъ сююв булан сююгюз. Оьзюгюзден эсе бир биригизге артыкъ гьюрмет этигиз.

Эфесдегилеге 5:2

Месигь, бизин сююп, бизин учун Оьзюн Аллагьгъа атирли ва арив къурбан этип бергени йимик, сиз де сююв булан яшагъыз.

1 Салоникдегилеге 3:12

Бизин сизге бакъгъан сюювюбюз йимик, Раббибиз сизин бир биригизге де, бары да инсанлагъа да бакъгъан сююв булан толтурсун!

1 Салоникдегилеге 4:9

Иман къардашланы арасындагъы сюювню гьакъында сизге дагъы язып турмагъа гьажатлыкъ ёкъдур деп ойлайман. Бир биригизни сюеген кюйге сизин Аллагь уьйретген.

2 Салоникдегилеге 1:3

Къардашлар, сизин учун биз гьар заман Аллагьгъа шюкюр этмеге герекбиз. Шо тийишли де дюр, неге тюгюл сизин иманыгъыз даим арта ва бир биригизге бакъгъан сюювюгюз токътавсуз гючлене.

1 Петер 1:22

Гьакъ гертиликге тынглап, гюнагьлардан тазаланып, сиз иман къардашларыгъызгъа бакъгъан якъдагъы бетгёрдючюлюксюз сюювге етишдигиз. Энниден сонг да бир биригизни гьакъ юрекден къайнар кюйде сююп туругъуз.

1 Петер 3:8

Ахырда да, барыгъыз да къыйышып яшап къалыгъыз, бир биригизни гёнгюгюзню алыгъыз, бир биригизни къардашлар йимик сююгюз, языкъсыныгъыз ва саламат болугъуз.

1 Петер 4:8

Бары да затдан алда бир биригизни гьакъ юрекден къайнар кюйде сююп туругъуз. Неге десегиз, сююв кёп гюнагьлардан къутгъара.

1 Югьан 3:23

Аллагьны буйругъу будур: Уланына – Иса Месигьге – иман салмакъ ва Иса бизге буюргъаны йимик, бир бирибизни сюймек.

1 Югьан 4:21

«Аллагьны сюеген гиши иман къардашын да сюймеге герек» деген буйрукъну биз Ондан алгъанбыз.

2 Югьан 1:5

Энни де сагъа тилеймен, гьюрметли ханым, гелигиз, барыбыз да бир бирибизни сюейик! Бу мен сагъа язагъаным янгы бир буйрукъ тюгюл, башдан берли де бизге берилген буйрукъ.