Югьан 1:14 - Сыйлы Китап Янгы Разилешивню

¹⁴ Калам инсан болуп арабызда яшагъан. О зор сюювден ва гьакъ гертиликден толгъан болгъан. Биз Ону уллу макътавлугъун – Атасы биргине бир Уланына берген макътавлугъун гёрдюк.

Югьан 1:14 Iomraidhean Croise

Маттай 1:16

Якъуб Мариямны эри Юсупну атасы болгъан. Мариямдан да Месигь деп айтылагъан Иса тувгъан.

Лукъа 2:11

Бугюн Давут тувгъан шагьарда сизге Къутгъарывчу тувду. О – Месигь Раббидир.

Лукъа 2:7

О оьзюню биринчи уланын таба, яшны къуннакълай. Ондагъы петерде оьзлер учун ер болмагъаны саялы, Ону отлукъгъа салып къоя.

Лукъа 9:32

Петер ва ону булан болгъанлар терен юхугъа баталар. Уянгъанда буса, Исаны, Ону булан токътагъан экевню ва Исаны сыйлы нюрюн гёрелер.

Югьан 1:1

Инг башлап Калам деп айтылагъан О болгъан. Калам Аллагь булан болгъан. Калам Оьзю де Аллагь болгъан.

Югьан 11:40

– Иман сала бусанг, Аллагьны макътавлугъун гёрежексен деп Мен сагъа айтмадыммы? – дей Иса огъар.

Югьан 14:6

– Мен Ёлман, Гьакъ гертиликмен ва Яшавман. Менден таба тюгюл эсе, Атамны янына бирев де бармас.

Югьан 14:9

Иса огъар булай дей: – Филип, Мен сизин булан турагъаным нечакъы бола, сен буса Мени танымаймысан? Мени гёрген Атамны да гёргендир. Сен: «Атамны гёрсет», – деп нечик айтып боласан?

Югьан 17:22

Сен де, Мен де бир болгъанда йимик, олар да бир болсун учун, Магъа Сен берген макътавлукъну олагъа бердим.

Югьан 17:24

Атам! Сен Магъа аманат этгенлеринг Мен болажакъ ерде, Мени булан бирге болгъанны, Сен Магъа берген макътавлукъну олар да гёргенни сюемен. Сен Магъа шо макътавлукъну бердинг, неге тюгюл Мени дюнья яралгъанчадан да алда сюе эдинг.

Югьан 18:37

– Демек, Сен пачасан дагъы? – деп сорай Пилат Огъар. – Мен пача деп сен оьзюнг айта турасан чы. Мен бу дюньягъа гьакъ гертиликни гьакъында шагьатлыкъ этмек учун тувгъанман ва гелгенмен. Гьакъ гертиликни якълайгъан гьар ким Магъа тынглай, – деп жавап бере Иса.

Югьан 2:11

Бу Иса этген аламатланы биринчиси болгъан. Шо аламат Галилеяны Кана деген юртунда этилген. Иса Оьзюню макътавлугъун муна шолай гёрсетген ва якъчылары Огъар иман салгъанлар.

Югьан 3:16

Аллагь дюньяны олай сюе чи, Оьзюню биргине бир Уланын огъар берип къойду. Уланына иман салагъан гьар ким оьлмесин учун, даимлик яшав алсын учун, О шолай этди.

Югьан 3:18

Огъар иман салагъангъа айыплап дуван этилмес. Иман салмайгъангъа буса дуван этилип де битген, неге тюгюл о Аллагьны биргине бир Уланына иман салмагъан.

Югьан 6:51

Кёкден гелген яшав береген азыкъ Менмен. Ону ким ашаса да, даим яшап къалажакъ. Дюньядагъылар даимлик яшав алсын учун, Мен бережек азыкъ Мени къаркъарамдыр.

Югьан 8:32

Сиз гьакъ гертиликни билерсиз ва гьакъ гертилик сизин азат этер.

Румдагъылагъа 8:3

Бизин гюнагьлы табиатыбызны гючсюзлюгюнден къанун яшавгъа чыгъарып болмагъан затны Аллагь яшавгъа чыгъарды. Уланы гюнагь учун къурбан болсун деп, Аллагь Ону гюнагьлы инсангъа ошатып дюньягъа йиберди. Оьзюбюзде, гюнагьлы табиатгъа гёре тюгюл, Аллагьны Ругьуна гёре яшайгъанларда, къанунну муъмин талаплары яшавгъа чыкъсын учун, Аллагь инсандагъы гюнагьны гючюн шолай дагъытды.

Румдагъылагъа 9:5

Бизин ата бабаларыбыз – исрайыллылар. Месигьни наслусуну бу дюньядагъы амалгъа геливю олардан таба баш алса да, О бары да затдан оьр болгъан Аллагьыбыздыр. Аллагьгъа гьар даим де макътавлар болсун! Амин.

1 Коринфдегилеге 15:47

Биринчи Адам ерден, демек топуракъдан, экинчи Адам буса кёклерден гелген.

2 Коринфдегилеге 12:9

Амма О магъа: «Сагъа янгыз Мени рагьмум герек. Сени гючсюзлюгюнгде Мени гючюм гёрюнсюн», – деп жавап берди. Шо саялы, Месигьни къудраты менде болсун учун, оьзюмню гючсюзлюгюм булан шолай сююнюп макътанаман.

Галатиядагъылагъа 4:4

Белгиленген заман етгенде буса, Аллагь Уланын йиберди. О Улан къатынгишиден тувду ва Къанунгъа таби болду.

Эфесдегилеге 3:8

Аллагьны бары да халкъыны арасында мен инг де гиччиси бусам да, Месигьни тюгесинмейген байлыгъын ят халкъланы арасында билдирмек йимик гьюрметли савгъат магъа тапшурулду.

Колосдагъылагъа 1:19

Аллагьны бютюн толулугъу, Оьзю Аллагьны буйругъуна гёре, Месигьде яшап тура.

Колосдагъылагъа 2:3

Гьакъылны ва билимни бары да хазналары Онда яшырылгъан.

Колосдагъылагъа 2:9

Аллагьны бютюн толулугъу Месигьде, Ону инсан къаркъарасында яшай.

1 Тимофейге 3:16

Бизин Аллагьгъа байлавлу инанывларыбызны сыры уллу экенни бирев де инкар этмес: О къаркъарада гёрюндю, Аллагьны Ругьу булан тасдыкъ болду, малайиклер Ону гёрдю, Ону гьакъында халкълагъа билдирилди, Огъар дюньяда халкълар иман салдылар, макътавлугъу булан оьрге алынды.

Ягьудилеге 1:3

Уланы Атасыны макътавлугъуну нюрю болуп токътай ва Оьзю Аллагьны барлыгъын гёрсете. Къудратлы сёзю булан О бары затны сакълап тура. Бизин гюнагьларыбыздан тазалап, О кёклерде Оьр болгъан Аллагьны онг ягъында олтурду.

Ягьудилеге 1:5

Аллагь бир малайикге де булай айтмады: Сен Мени Уланымсан. Мен бугюн Сени Атанг болдум. Яда: Мен Ону Атасы болажакъман, О да Мени Уланым болажакъ.

Ягьудилеге 10:5

Шогъар гёре Месигь дюньягъа гелгенде, булай айтды: Сен я къурбан, я савгъатлар сюймединг, амма Сен Мени учун бир къаркъара гьазирлединг.

Ягьудилеге 2:11

Инсанланы юреклерин тазалайгъан Иса ва юреклери тазалангъанлар – булар барысы да бир Атадандыр. Шо саялы Иса олагъа къардашларым деп айтмакъдан уялмай.

Ягьудилеге 5:5

Шолай Месигь де. Баш дин къуллукъчу да болуп, О Оьзю Оьзюн макътавлу этмеди, амма Ону Аллагь танглады. Аллагь Огъар булай айтды: Сен Мени Уланымсан. Мен бугюн Сагъа Ата болдум.

1 Югьан 4:14

Дюньяны Къутгъарывчусу этип Атабыз Уланын йибергенни биз гёрдюк ва шогъар шагьатлыкъ этебиз.

1 Югьан 4:9

Биз Оьзюнден таба даимлик яшав алсын учун, Аллагь биргине бир Уланын дюньягъа йиберген. Шоллукъда, Аллагьны сюювю бизге белгили болгъан.

2 Югьан 1:7

Дюньяны гьар еринде Иса Месигь ер юзюне инсан къаркъарада гелгенин къабул этмейген бир кёп ялгъанчылар яйылгъан. Шолай адамлар – ялгъанчылар ва Месигьни душманлары. Месигьге амин болугъуз

Вагьий 19:13

О къангъа батгъан аба гийген эди ва Огъар «Аллагьны Каламы» деген ат берилген эди.

Вагьий 21:3

Тахдан гючлю бир тавуш эшитдим: – Къара чы! Аллагьны чатыры гьали инсанланы арасында. Олар Ону халкъы болажакъ, Оьзю Аллагь да олар булан болажакъ ва олагъа Аллагь болажакъ.