Ягьудилеге 1:6 - Сыйлы Китап Янгы Разилешивню

⁶ Оьзюню бютюн аламдан да алда тувгъан Уланын дюньягъа йиберип, Аллагь булай айтды: Аллагьны бары да малайиклери Огъар сужда этсинлер.

Ягьудилеге 1:6 Iomraidhean Croise

Маттай 24:14

Аллагьны гьакимлигини гьакъындагъы бу Сююнч Хабар бютюн дюньяда бары да халкълагъа билдирилежек. Сонг ахыр заман етежек.

Югьан 1:14

Калам инсан болуп арабызда яшагъан. О зор сюювден ва гьакъ гертиликден толгъан болгъан. Биз Ону уллу макътавлугъун – Атасы биргине бир Уланына берген макътавлугъун гёрдюк.

Югьан 1:18

Аллагьны бирев де, бир заманда да гёрмеген. Ону бизге Атасыны янында болгъан ва Оьзю Аллагь болгъан биргине бир Уланы танытды.

Югьан 3:16

Аллагь дюньяны олай сюе чи, Оьзюню биргине бир Уланын огъар берип къойду. Уланына иман салагъан гьар ким оьлмесин учун, даимлик яшав алсын учун, О шолай этди.

Румдагъылагъа 8:29

Олар ёкъ заманда да Аллагь оланы таныды ва оланы Оьзюню Уланыны гьакъ герти ошагъаны болма алданокъ белгиледи. Шо саялы Уланы кёп иман къардашланы арасында Башлап тувгъаны болду.

Колосдагъылагъа 1:15

Гёрюнмейген Аллагьны келпети ва бары яратывдан оьрдеги Одур.

Колосдагъылагъа 1:18

Къаркъараны Башы, демек иман салгъанланы Башчысы Одур. Гьар бир затда алдын болмакъ учун, О оьлюлерден биринчилей болуп тиргизилген Башдыр.

Ягьудилеге 1:5

Аллагь бир малайикге де булай айтмады: Сен Мени Уланымсан. Мен бугюн Сени Атанг болдум. Яда: Мен Ону Атасы болажакъман, О да Мени Уланым болажакъ.

Ягьудилеге 10:5

Шогъар гёре Месигь дюньягъа гелгенде, булай айтды: Сен я къурбан, я савгъатлар сюймединг, амма Сен Мени учун бир къаркъара гьазирлединг.

1 Петер 3:22

Иса Месигь кёклеге чыгъып, Аллагьны онг ягъында олтурду. Бары да малайиклер, гьакимлер ва гючлер гьали Огъар таби болду.

1 Югьан 4:9

Биз Оьзюнден таба даимлик яшав алсын учун, Аллагь биргине бир Уланын дюньягъа йиберген. Шоллукъда, Аллагьны сюювю бизге белгили болгъан.