Маттай 27:27 - Сыйлы Китап Янгы Разилешивню

²⁷ Сонг гьакимни асгерлери, Исаны бекликге элтип, оьзлени асгер бёлюгюн жыялар.

Маттай 27:27 Iomraidhean Croise

Маттай 26:3

Шо заман Кайафа деген дин къуллукъчуланы башчысыны абзарында баш дин къуллукъчулар ва халкъны тамазалары жыйылалар.

Югьан 18:28

Кайафаны янындан Исаны Рум гьакимини беклигине алып баралар. Шо эртен тез вакъти болгъан. Мурдарланма сюймей, ягьудилер бекликге гирмейлер. Ёгъесе, олар Пасха байрамында ортакъчылыкъ этип болмажакъ болгъан.

Югьан 18:3

Булайлыкъда, Ягьуда, Рум асгерлени бир бёлюгюн, ибадатханагъа баш дин къуллукъчулар ва фарисейлер йиберген къаравулланы да алып, онда геле. Оланы къолларында панарлары, янагъан чюпюреклери булангъы таякълары ва савутлары бола.

Югьан 18:33

Шо вакъти Пилат, бекликге къайтып гирип, Исаны чакъыра. Огъар: – Сен ягьудилени пачасымысан? – деп сорай.

Элчилер 10:1

Къайсарияда италиялы деп айтылагъан асгер бёлюгюнде юз асгерни башчысы болуп къуллукъ этеген Корнилий деген бирев болгъан.

Элчилер 23:35

– Сени айыплайгъанлар гелген заманда, мен сагъа тынгларман, – дей. Сонг Павелни Гьиродну беклигинде къаравуллар булан сакъласын деп буюра.

Элчилер 27:1

Денгиз булан биз Италиягъа гетмеге токъташгъанда, Павелни ва бир бир оьзге туснакъланы Августну асгерлеринден Юлий деген юз асгерни башчысына тапшурдулар.