Маттай 25:4 - Сыйлы Китап Янгы Разилешивню

⁴ Гьакъыллылары буса чыракълар булан бирге савутлагъа май да алалар.

Маттай 25:4 Iomraidhean Croise

Маттай 10:16

Муна, Мен сизин бёрюлени арасына къойланы йимик йиберемен. Гьасили, йыланлар йимик гьакъыллы, гёгюрчюнлер йимик гьилласыз болугъуз.

Маттай 25:2

Олардан бешевю гьакъыллы, бешевю де авлия.

Маттай 25:3

Авлиялары чыракълар алгъанда, оьзлер булан олагъа тёкмеге май алмайлар.

Маттай 25:5

Гиев гелип битмейгенде, къызланы юху басып, юхлап къалалар.

Маттай 7:24

Шолайлыкъда, Мени бу сёзлериме тынглап, буланы кютеген гьар ким ташны уьстюнде уьй къургъан гьакъыллы адамгъа ошап къалажакъ.

Югьан 3:34

Аллагь йиберип гелген Аллагьны сёзлерин сёйлер, неге тюгюл Аллагь Ругьну Огъар аявсуздан берер.

Румдагъылагъа 8:9

Эгер Аллагьны Ругьу сизин ичигизде яшай буса, сиз гюнагьлы табиатыгъызгъа гёре тюгюл, Аллагьны Ругьуна гёре яшайсыздыр. Амма кимде Месигьни Ругьу ёкъ буса, шо адам Месигьники тюгюлдюр.

2 Коринфдегилеге 1:22

Биз Оьзюнюки экенни гёрсетмек учун, Аллагь бизин мюгьюрю булан белгиледи, юкчю гьисапда юреклерибизге Ругьун салды.

1 Югьан 2:20

Аллагь сизге Оьзюню Ругьуну белгисин салгъан, шолайлыкъда сиз гьакъ гертиликни билесиз.

1 Югьан 2:27

Амма Аллагь сизге Оьзюню Ругьуну белгисин салгъан. Аллагьны Ругьу сизин булан болур ва сизге гьеч биревню де уьйретивлери тарыкълы болмас. О сизин гьар затгъа уьйрете. Ону уьйретивю гьакъ, ялгъан тюгюл. Шо саялы О сизин уьйретеген кюйде этип, Аллагь булан бирликде яшап къалыгъыз.

Ягьуда 1:19

Олар адамланы ярплашдыра. Олар бу дюньялыкъ гьислерине гёре яшайлар ва оларда Аллагьны Ругьу ёкъдур.