Маттай 24:10 - Сыйлы Китап Янгы Разилешивню

¹⁰ Шо заман кёплер иманындан чыгъажакълар, бир бирине хыянатлыкъ этежеклер, бир бирин гёрюп ярамайгъан болажакълар.

Маттай 24:10 Iomraidhean Croise

Маттай 10:21

Агъасы инисин, атасы авлетин оьлюмге тарытажакъ. Авлетлери, ата аналарына къаршы чыгъып, оланы оьлтюртежеклер.

Маттай 11:6

Насиплидир Магъа шеклик этмейген.

Маттай 13:21

Ону тамуру ёкъдур, шо саялы о бираз замангъа инанар. Амма калам учун къыйынлыкъгъа яда гьызарлавгъа тарыса, о шоссагьат иманындан таяр.

Маттай 13:57

Олар да Исагъа абур этмеген. Шо заман Иса олагъа: – Пайхаммарны бары да ерлерде абуру болар, янгыз оьз ватанында да, оьз уьюнде де ону абуру болмас, – дей.

Маттай 24:11

Шо заман бир хыйлы ялгъан пайхаммарлар арагъа чыгъып, хыйлыланы алдатажакълар.

Марк 13:12

Агъасы инисин, иниси агъасын, атасы авлетлерин оьлюмге бережек, авлетлери ата анасына къаршы чыгъажакълар, оланы оьлтюртежеклер.

Марк 4:17

Амма олар оьзлени юреклеринде каламны тамурлашма къоймайгъаны саялы, о ончакъы узакъ турмай. Бир тюрлю аваралар чыкъгъанда яда калам учун гьызарлав башлангъанда буса, олар шоссагьат иманындан чыгъып къалалар.

Лукъа 21:16

Гьатта ата аналарыгъыз ва агъа инилеригиз, къардашларыгъыз ва къурдашларыгъыз да, сизге намартлыкъ этип, сизин бирлеригизни оьлтюртежеклер.

2 Тимофейге 1:15

Асиядагъыланы бары да, Фигелни ва Гьермогенни де къошуп, магъа арт бергенни сен билесен.

2 Тимофейге 4:10

Бу дюньяны кёп сюегени саялы, Демас, мени къоюп, Салоникге гетип къалды чы. Крискент Галатиягъа, Тит буса Далматиягъа гетдилер.

2 Тимофейге 4:16

Биринчи керен магъа оьзюмню якъламагъа тюшгенде, гьеч бирев де мени янымны тутмады, барысы да магъа арт берди. Шо олагъа гюнагь саналмай къалсын дагъы!