Маттай 22:19 - Сыйлы Китап Янгы Разилешивню

¹⁹ Ясакъгъа тёленеген акъчаны Магъа гёрсетигиз! – дей. Олар Исагъа бир гюмюш акъча гелтирелер.

Маттай 22:19 Iomraidhean Croise

Маттай 17:25

– Бере, – деп жавап бере Петер. Уьйге гиргенде, Иса ондан алдынлыкъ этип: – Сени нечик эсинге геле, Симон: дюньяны пачалары ясакъны кимлерден ала – оьзюню уьягьлюсюндегилерденми, ёгъесе башгъаларданмы? – деп сорай.

Маттай 18:28

Бу къул буса ондан чыкъгъанда, къул ёлдашларындан оьзюне юз гюмюш акъча борчлу болгъан башгъа бирисине къаршы болуп: «Борчунгну тёле!» – деп хырданындан тутуп, ону бува.

Маттай 20:2

Гюнюне бир гюмюш акъча бережекге ишчилер булан разилешип, о адам оланы юзюмлюгюне йибере.

Маттай 22:18

Амма Иса, оланы яман хыялын билип: – Сиз Мени не учун сынап къарама сюесиз, гьей экиюзлюлер?

Маттай 22:20

Иса олагъа: – Бу сурат кимникидир? Мунда кимни аты язылгъан? – деп сорай.

Марк 12:16

Олар алып гелтирелер. Иса олагъа: – Бу сурат кимникидир? Мунда кимни аты язылгъан? – деп сорай. – Румну пачасыныки, – деп жавап берелер олар.

Вагьий 6:6

Сонг дёрт де жанлы затны арасындан гелеген тавушну эшитдим. Шо тавуш: – Бир гюнлюк алапагъа – бир увуч будай, бир гюнлюк алапагъа да – уьч увуч арпа, тек зайтун майгъа да, чагъыргъа да зарал этмессен! – деп сёйледи.