Маттай 21:29 - Сыйлы Китап Янгы Разилешивню

²⁹ О да: «Сюймеймен», – деп жавап да берип, артда гьёкюнюп, бара.

Маттай 21:29 Iomraidhean Croise

Маттай 21:28

Иса булай дей: – Сизин нечик эсигизге геле? Бир адамны эки уланы бола. О барып биринчисине: «Уланым, бугюн барып юзюм бавда ишле», – дей.

Маттай 21:30

Экинчисини янына барып да, о шолай дей. О да: «Барайым, атам», – деп жавап да берип, бармай къала.

Маттай 21:31

Оланы экевюнден де атасы айтгъанны къайсы этген? – деп сорай. – Биринчиси, – деп жавап берелер. Иса олагъа булай дей: – Гертисин сёйлеймен сизге: ясакъчылар да, къагьба къатынлар да Аллагьны гьакимлигини тюбюне сизден эсе алда тюшюп туралар.

Элчилер 26:20

Башлап Шамда, сонг Ерусалимде ва бютюн Ягьудеяда яшайгъанлагъа ва ят халкълагъа, гюнагь ишлер этеген ёлдан тайып, Аллагьны ёлуна къайтып, гертиден де алышынгъанын гёрсетсин деп билдирип юрюдюм.

1 Коринфдегилеге 6:11

Сизин бирлеригиз де шо журадан эди. Амма сиз гюнагьлардан чайылдыгъыз, юреклеригиз тазаланды, Аллагь Раббибиз Иса Месигьни аты булан, Оьзюню Ругьундан таба сизин къабул этди.