Маттай 17:12 - Сыйлы Китап Янгы Разилешивню

¹² Сизге айтаман: Илияс гелди, амма ону танымадылар, огъар сюйген сюйгенин этдилер. Шолай Мен де, Инсанны Уланы, оланы къолундан азап чегежекмен, – деп жавап бере.

Маттай 17:12 Iomraidhean Croise

Маттай 11:2

Туснакъдагъы Ягьия, Месигьни ишлерини гьакъында эшитип, якъчыларын Огъар: – Гелмеге герекли Сенмисен яда биз башгъасын гёзлейикми? – деп сорамагъа йибере.

Маттай 16:21

Шо замандан тутуп Иса якъчыларына Оьзю Ерусалимге барма, тамазаланы, баш дин къуллукъчуланы ва дин алимлени къолундан кёп азап чекмеге, оьлтюрюлмеге, сонг уьчюнчю гюн къайтып тирилмеге гереги гьакъында сёйлемеге башлай.

Маттай 17:11

Иса олагъа: – Герти, башлап Илияс гелмеге, бары да затны онгармагъа герек.

Маттай 17:13

Шо заман якъчылары Иса оьзлеге Ягьияны гьакъында айтагъанны англайлар.

Маттай 17:22

Олар бары да бирче Галилеягъа къайтып гелген заманда, Иса якъчыларына: – Мени, Инсанны Уланын, инсанланы къолуна бережек.

Маттай 17:9

Тавдан энишлеп гелегенде, Иса олагъа: – Мен, Инсанны Уланы, оьлюмден тирилгинче, гёрген затыгъызны биревге де сёйлемегиз, – деп буюра.

Маттай 21:32

Неге десегиз, Ягьия сизин яныгъызгъа Аллагьны тюз ёлун гёрсетмеге гелген. Сиз буса огъар инанмагъансыз, ясакъчылар да, къагьба къатынлар да огъар инангъанлар. Сиз бу затланы барын да гёргенде де, гьёкюнмегенсиз ва огъар инанмагъансыз.

Маттай 8:20

Иса огъар: – Тюлкюлени инлери, кёкде учагъан къушланы уялары сама бар. Мени, Инсанны Уланыны, буса башымны сыйындырмагъа ерим де ёкъ, – дей.

Лукъа 7:33

Ягьия гелгенде, ораза тутду ва чагъыр ичмеди, амма сиз: «О жинли адам», – дейсиз.

Югьан 1:11

О оьз халкъыны янына гелген, амма халкъы буса Ону къабул этмеген.

Элчилер 2:23

Иса сизге йиберилген эди, сиз буса Ону къанунсузланы къолуна берип, хачгъа илип оьлтюрдюгюз. Бу иш шолай болажагъын Аллагь биле эди, неге тюгюл О Оьзю шолай белгилеген эди.

Элчилер 4:10

сизге барыгъызгъа да ва Исрайылны бютюн халкъына белгили болсун: сиз Оьзюн хачгъа илген, Аллагь оьлюмден тирилтген назаретли Иса Месигь берген гьакимлик булан шо адам саппа сав болуп, сизин алдыгъызда эретуруп тура.

Элчилер 7:52

Ата бабаларыгъыз пайхаммарланы къайсын гьызарламагъан? Олар Муъминни гележегин алданокъ билдиргенлени де оьлтюргенлер. Сиз де гьали Ону Оьзюне хыянатлыкъ этгенсиз ва оьлтюргенсиз.