Маттай 11:18 - Сыйлы Китап Янгы Разилешивню

¹⁸ Ягьия гелгенде, ораза тутду ва чагъыр ичмеди, амма адамлар: «О жинли адам», – деп айтдылар.

Маттай 11:18 Iomraidhean Croise

Маттай 10:25

Муталимге оьз муаллими йимик, къулгъа да оьз еси йимик болмакълыкъ таманлыкъ эте. Эгер уьй есине Зензебил деп айта буса, уьюндегилеге не деп де айтмажакъмы?

Маттай 3:4

Ягьияны тюе юнден этилген опурагъы, белинде къайыш белбаву болгъан. Ону ашы къыр бал ва ченгертки болгъан.

Маттай 9:34

Фарисейлер буса: – Жинлени О жинлени башчысыны гючю булан къувалай, – дейлер.

Марк 3:22

Ерусалимден гелген дин алимлери: «Ону ичине Зензебил гирген» ва «Жинлени буса О жинлени башчысыны гючю булан къувалай», – деп сёйлейлер.

Лукъа 1:15

Ягьия Раббибизни алдында уллу адам болажакъ, чагъыр ва оьзге ички ичмежек, анасындан тувгъандан тутуп онда Аллагьны Ругьуну гючю болажакъ.

Югьан 10:20

Оланы кёплери: – О жинли болгъан, гьакъылын тас этген. Огъар неге тынглайсыз? – дей.

Югьан 7:20

– Сен жинлисен. Сени оьлтюрмеге сюеген кимдир? – деп сорай халкъ.

Югьан 8:48

Ягьудилер Огъар булай дейлер: – Сен бир жинли самариялысан. Биз Сагъа тюзюн айтабыз.

Югьан 8:52

– Сен жинли экенге биз гьали лап тюшюндюк. Ибрагьим оьлген, пайхаммарлар да оьлгенлер. Сен буса: «Сени айтгъанынгны этип юрюгенлер оьлюм гёрмежек!» – дейсен.

Элчилер 26:24

Павел оьзюн якълап булай сёйлеп турагъанда, Фест: – Сен гьакъылынгны тас этгенсен, Павел! Кёп охумакълыкъ сени гьакъылдан тайышдыргъан, – деп къычыра.

1 Коринфдегилеге 9:27

Мен къаркъарамны чыныкъдыраман ва ону биревлеге Сююнч Хабарны билдирип, оьзюм ярышлагъа къошулмай къалагъан кюй болмасын деп, оьзюмню ягьыма таби этемен.