Маттай 11:16 - Сыйлы Китап Янгы Разилешивню

^16-17 Бу наслуну адамларын Мен ким булан тенглешдирейим? Олар майданларда олтуруп, ёлдашларына: «Биз сизге зурнай сокъдукъ, сиз буса бийимедигиз. Биз сизге мунглу йырлар йырладыкъ, сиз буса тююнюп йыламадыгъыз», – дейген яшлагъа ошайлар.

Маттай 11:16 Iomraidhean Croise

Маттай 11:15

Къулакълары барлар эшитсинлер!

Маттай 12:34

Гьей йыланны балалары! Оьзюгюз яман да бола туруп, яхшы затланы нечик сёйлемеге боласыз! Неге тюгюл де, юрекде бар зат тилинден таба чыгъар.

Маттай 23:36

Гертисин сёйлеймен сизге: бу затлар барысы да бу наслуну уьстюне тюшежек!

Маттай 23:7

Базар майданларда оьзлеге гьюрмет этгенни, адамлар оьзлеге: «Муаллимим!» – деп айтгъанны да сюелер.

Маттай 24:34

Гертисин сёйлеймен сизге: бу затлар барысы да, гьали бар наслу яшай туруп, яшавгъа чыгъажакъ.

Марк 12:38

Уьйрете туруп, Иса булай дей: – Дин алимлерден сакъ болугъуз. Олар узун опуракълар гийип юрюмеге сюелер, базар майданларда оьзлени гьюрметлегенни сюелер,

Марк 4:30

– Аллагьны гьакимлигин дагъы да не булан тенглешдирме болабыз? Яда ону не масал булан англатмагъа бажарыла?

Лукъа 11:43

Адаршай сизин гьалыгъызгъа, гьей фарисейлер! Синагогларда тёрге чыгъып олтурмагъа сюесиз, базар майданларда адамлар гьюрметлегенни сюесиз.

Лукъа 13:18

Иса булай дей: – Аллагьны гьакимлик этивюн не зат булан тенглешдирме бола? Ону Мен негер ошатаман?