Марк 3:5 - Сыйлы Китап Янгы Разилешивню

⁵ Иса айланасындагъылагъа къазапланып къарай. Оланы юреклерини енгилмейгенлиги Ону пашман эте. Сонг о адамгъа: – Къолунгну узат! – дей. О къолун узата, о да алда йимик сав болуп къала.

Марк 3:5 Iomraidhean Croise

Маттай 12:13

Сонг Иса о адамгъа: – Къолунгну узат, – дей. О да узата. Бириси къолу йимик, о да сав болуп къала.

Марк 3:4

Олагъа буса: – Сонгугюн яхшылыкъ этме герекми яда яманлыкъ этме герекми? Жанын къутгъарма герекми яда оьлтюрме герекми? – деп сорай. Амма олар гьеч сёйлемей токътайлар.

Лукъа 13:15

Рабби Иса огъар: – Гьей экиюзлюлер! Сизин биригиз де сонгугюн оьгюзюгюзню яда эшегигизни отлукъдан чечип, сув ичирме элтмеймисиз?

Лукъа 17:14

О адамланы гёрюп, Иса олагъа: – Барып дин къуллукъчуларыгъызгъа гёрюнюгюз, – дей. Олар барагъанда, ёлдокъ да аврувундан тазаланалар.

Лукъа 6:10

Оланы барысына да къарап, Иса о адамгъа: – Къолунгну узат, – дей. О да шолай эте ва ону къолу сав болуп къала.

Югьан 9:7

Сокъургъа: – Бар энни, Силогьам гьавузунда жувун, – дей (Силогьам демек «Йиберилип гелген» демекдир). Сокъур да барып жувуна ва ону гёзлери гёреген болуп къала.

Румдагъылагъа 11:25

Мен, къардашларым, сиз оьзюгюзню оьр гьисап этмесин деп, сизге бир сырны ачма сюемен. Исрайылны бир пайыны буссагьатгъы хырчалыгъы даимге тюгюл, ят халкъланы тарыкъ чакъысы Аллагьгъа къайтгъанча.

2 Коринфдегилеге 3:14

Оланы гьакъылы да тунукълашгъан эди. Мусаны Къанунун охуйгъанда, шо перде гьалиге ерли де яшырылып тура. Шо пердени янгыз Месигьге бакъгъан якъдагъы имандан таба тайдырмагъа бола.

Эфесдегилеге 4:18

Оланы англаву тунукълашгъан, олар Аллагьны яшавундан магьрюм этилген ва оьзлени авамлыгъы саялы олар хырча болгъан.

Эфесдегилеге 4:26

«Къазаплангъанда, гюнагь иш этмегиз», гюн батгъынча къазапланывугъузну тайдырмагъа къарагъыз.

Эфесдегилеге 4:30

Аллагьны Ругьун да пашман этмегиз. О сиз Аллагьныки экенлигигизни тасдыкъ этеген затдыр ва Гюню етишгенде, Аллагь сизин толу кюйде азат этегенликни белгисидир.

Ягьудилеге 3:10

Шо саялы Мен бу наслугъа къазапландым. «Олар даим Мени ёлумдан тайышалар, буйрукъларымны кютмейлер», – деп айтдым.

Ягьудилеге 3:17

Къыркъ йылны узагъында Аллагьны шолай къазапландырып тургъанлар кимлер болгъан экен? Шолар гюнагь ишлер этгенлер ва дангылда оьлгенлер сама болмагъанмы экен?

Ягьудилеге 5:9

Камилликге етишген сонг да, О Оьзюне тынглавлу болгъан гьар ким учун даимлик къутгъарылывуну себеби болуп токътады.

Вагьий 6:16

Олар тавлагъа ва ярлагъа: – Бизин уьстюбюзге тюшюгюз! Тахда Олтургъандан ва Къозуну къазапланывундан бизин яшырыгъыз!