Марк 15:34 - Сыйлы Китап Янгы Разилешивню

³⁴ Тюшде сагьат уьч вакътиде Иса гючлю тавуш булан: – Эли, Эли, лама сабакътаны? Демек, «Аллагьым, Аллагьым! Мени не саялы ташлап къойдунг?» – деп къычыра.

Марк 15:34 Iomraidhean Croise

Маттай 27:45

Тюшде сагьат он экиден уьчге ерли бютюн уьлкени къарангылыкъ къуршай. Шо къарангылыкъ сагьат уьчге ерли таймай тура.

Маттай 27:46

Сагьат уьчлер вакътиде Иса гючлю тавуш булан: – Эли, Эли, лама сабакътаны? Демек, «Аллагьым, Аллагьым! Мени не саялы ташлап къойдунг?» – деп къычыра.

Марк 15:25

Ону хачгъа илгенде, эртен сагьат тогъуз вакъти болгъан.

Марк 15:35

Онда болгъанлардан бирлери муну эшитгенде: – Къарагъыз чы! О Илиясны чакъыра! – дей.

Лукъа 23:44

Тюшде сагьат он экиден уьчге ерли бютюн уьлкени къарангылыкъ къуршай. Шо гьал сагьат уьчлер болгъунча узатылып тура.

Лукъа 23:46

Иса гючлю тавуш булан къычырып: – Гьей Атам! Мен ругьумну Сени къолунга беремен, – дей. Шону да айтып, Иса жан бере.

Элчилер 10:3

Бир керен гюндюз сагьат уьчлеге ювукъ вакътиде, ону гёзюне Аллагь йиберген малайик гёрюнюп, огъар: – Корнилий! – дей.

Ягьудилеге 5:7

Дюньядагъы яшавуну гюнлеринде Оьзюн оьлюмден къутгъарып болагъан Аллагьгъа йылав ва гёзьяшлар булан ялбарып дуалар этди ва Ону дуалары къабул этилди, неге тюгюл де Ону Аллагьгъа этеген гьюрмети зор уллу эди.