Лукъа 7:6 - Сыйлы Китап Янгы Разилешивню

⁶ Иса олар булан гете ва юз асгерни башчысыны уьюне ювукълаша. Шо юз асгерни башчысы оьзюню янына ювукъларындан Исагъа шулай айтсын деп йибере: – Я Раббим, авара болма! Сен мени уьюмню ичине гирмеклигинге мен лайыкълы тюгюлмен.

Лукъа 7:6 Iomraidhean Croise

Маттай 20:28

Инсанны Уланы да Оьзюне къуллукъ этдирмек учун тюгюл, башгъалагъа къуллукъ этмек, бир хыйлыланы къутгъармакъ ва Оьз яшавун къурбан этмек учун гелди.

Маттай 3:11

Товба этгенигизни белгиси гьисапда мен сизин, сувгъа чомуп, Аллагьгъа тапшураман, амма менден де къудратлысы гележек. Мен Ону багъынчагъына да гелмеймен. О сизин Аллагьны Ругьуна ва отгъа чомажакъ.

Марк 5:24

Иса ону артына тюшюп гете. Исаны арты булан, Огъар ябурулуп кёп халкъ да юрюй.

Лукъа 5:8

Шону гёрюп, Петер деп де айтылагъан Симон: – Я Раббим, менден ари тай, неге тюгюл мен бир гюнагьлы адамман, – дей ва Исаны тизлерине къаплана.

Лукъа 7:4

Олар Исаны янына гелип, Огъар бек ялбарып тилеп: – О Сен оьзюне шолай кёмек этмеге лайыкълы адам,

Лукъа 7:5

о бизин халкъыбызны сюе ва бизге синагогну да о къуруп берген, – дейлер.

Лукъа 7:7

Шо саялы Сени янынга гелмеге оьзюмню де лайыкълы гёрмедим, тек Сен бир сёз сёйлесенг, мени къулум сав болуп къалажакъ эди.

Лукъа 8:49

Иса шо сёзлени сёйлеп турагъанда, синагогну башчысы Яирни уьюнден бир адам гелип: – Сени къызынг оьлдю. Устазны негьакъ авара этме, – дей.

Элчилер 10:38

Аллагь назаретли Исагъа Оьзюню Ругьун ва къудрат берген. Шо заман Иса яхшы ишлер эте туруп, оьзлеге иблис зулму этип турагъанланы барын да сав эте туруп айланагъанда, Аллагь Ону булан болгъанын да сиз билесиз.

Якъуб 4:10

Аллагьны алдында оьзюгюзню тёбен тутугъуз, шо заман О да сизин оьрлендирер.

Якъуб 4:6

Амма Аллагь бизге дагъы да уллу рагьму гёрсете. Сыйлы Язывларда язылгъан кюйде: Аллагь оьктемлеге къаршы турар, оьктем тюгюллеге буса рагьму этер.