Лукъа 23:3 - Сыйлы Китап Янгы Разилешивню

³ – Сен ягьудилени пачасымысан? – деп сорай Пилат Огъар. – Оьзюнг айтып бердинг чи! – деп жавап бере Иса огъар.

Лукъа 23:3 Iomraidhean Croise

Маттай 27:11

Иса Пилат гьакимни алдында токътай. Пилат Огъар: – Сен ягьудилени пачасымысан? – деп сорай. – Оьзюнг айтып бердинг чи! – деп жавап бере Иса огъар.

Марк 15:18

– Яшасын ягьудилени пачасы! – деп къычырып, мысгъылламагъа башлайлар.

Марк 15:2

Пилат Огъар: – Сен ягьудилени пачасымысан? – деп сорай. – Оьзюнг айтып бердинг чи! – деп жавап бере Иса огъар.

Марк 15:32

Къой, гёрейик, Исрайылны пачасы, Месигь хачдан тюшсюн гьали, шону гёрсек, биз де иман саларбыз, – деп бир бирине сёйлейлер. Ону булан бирче илингенлер де Огъар сёгюшелер.

Лукъа 22:70

Олар бары да: – Буса Сен Аллагьны Уланысан дагъы? – деп сорай. – Сиз оьзюгюз де айтдыгъыз чы, – деп жавап бере Иса олагъа.

Лукъа 23:38

Ону уьстюнде «Ягьудилени пачасы» деп язылгъан языв бола.

Югьан 1:49

– Устаз! Сен Аллагьны Уланысан, Сен Исрайылны пачасысан, – деп жавап бере Натанайыл Огъар.

Югьан 18:29

Гьаким Пилат, къыргъа оланы янына чыгъып: – Мени яныма сиз гелтирген Бу Адамны не этген деп гюнагьлайсыз? – деп сорай.

Югьан 19:3

Исаны янына гелип: – Яшасын ягьудилени пачасы! – деп айтып, Ону бетине уралар.

1 Тимофейге 6:13

Гьар затгъа яшав береген Аллагьны алдында ва Понтий Пилат бар ерде гьеч бир тартынывсуз шагьатлыкъ этген Иса Месигьни алдында мен сагъа ташдырып айтаман: