Элчилер 4:19 - Сыйлы Китап Янгы Разилешивню

¹⁹ Амма Петер ва Югьан олагъа: – Бир оьзюгюз ойлашып къарагъыз чы, Аллагьны алдында, Аллагь айтагъанны къоюп, сиз айтагъангъа артыкъ тынгламакъ тюз болурму?

Элчилер 4:19 Iomraidhean Croise

Маттай 22:21

– Румну пачасыныки, – дейлер олар. Шо заман Иса олагъа: – Шолай буса, Румну пачасыныкин пачагъа, Аллагьныкин Аллагьгъа беригиз, – дей.

Лукъа 22:8

Иса: – Барып, бизге Пасха ашын гьазирлегиз, – деп, Петерни ва Югьанны йибере.

Югьан 7:24

Тыш гёрюнюшюне къарап, дуван этмегиз, дуваныгъыз адилли болсун!

Элчилер 4:13

Петерни ва Югьанны тартынмайгъанын гёрюп, олар охуп уллу билимлер алмагъан адамлар экенин англагъан заманда, Исрайылны башчылары ва тамазалары гьайранлыкъ этип къалалар. Иса сав заманында Ону булан бирче болгъанын да билелер.

Элчилер 5:28

– Шо адамны гьакъында дагъы сёйлемегиз деп биз сизге къатты кюйде буваргъан эдик. Амма сиз айтагъаныгъызны Ерусалимни гьар ерине яйып юрюйсюз ва О адамны оьлюмю учунгъу такъсырны бизин уьстюбюзге салмагъа сюесиз, – дей.

Элчилер 5:29

Петер ва оьзге элчилер булай дей: – Биз инсанлагъа тюгюл, Аллагьгъа таби болмагъа герекбиз!

1 Коринфдегилеге 10:15

Мен сизге бир англавлу адамлагъа йимик сёйлеймен. Мен айтагъан сёзлени гьакъында оьзюгюз ойлашып къарагъыз.

2 Коринфдегилеге 4:2

Биз илыкълыгъы себепли болуп яшырылгъан бары да ишлени гери урабыз. Ялгъан айтмайбыз ва Аллагьны каламын къалплашдырмайбыз. Терсине, Аллагьны алдында биз гьакъ гертиликни билдиребиз. Бизин инсанлардан яшырылгъан гьеч затыбыз ёкъ.

Эфесдегилеге 6:1

Гьей яшлар, сиз Раббиникисиз, шо саялы ата анагъызгъа тынглавлу болугъуз, о сизин борчугъуздур.

1 Тимофейге 2:3

Шолай дуалар яхшы бола, Къутгъарывчубуз болгъан Аллагь да оланы ушата.

Ягьудилеге 11:23

Тувгъандан сонг уьч айны узагъында Мусаны ата анасы иманыны яхшылыгъындан ону яшырып сакълады, неге тюгюл олар яш бир гьайран зат экенин гёрдюлер. Пачаны тувгъан уланъяшланы оьлтюрмек деген буйругъу оланы къоркъутмады.

Якъуб 2:4

Шоллукъда, сиз бирев биревню айырып къоймасмысыз дагъы, яман ойлары булангъы дуванчылар болуп къалмасмысыз дагъы?