Элчилер 15:4 - Сыйлы Китап Янгы Разилешивню

⁴ Ерусалимге гелгенде, оланы Исаны якъчылары, элчилер ва ёлбашчылар къабул этелер. Олагъа оьзлерден таба Аллагь этген бары да затны айталар.

Элчилер 15:4 Iomraidhean Croise

Маттай 10:40

Сизин къабул этеген Мени де къабул этер. Мени къабул этеген буса Мени йиберген Атамны да къабул этер.

Элчилер 11:30

Олар оьзлени садагъаларын Барнабадан ва Савулдан таба Ерусалимдеги Исагъа иман салгъанланы жыйыныны ёлбашчыларына берип йиберелер.

Элчилер 14:27

Мунда гелген сонг, бары да Исаны якъчыларын жыйып, Аллагь оьзлерден таба этген чакъы бары да затны, шолай да Аллагь ят халкълагъа да иманны къапуларын ачгъанны айталар.

Элчилер 15:12

Бары да жыйылгъанлар Барнаба ва Павел айтагъан затлагъа шып болуп тынглайлар. Олар ят халкъланы арасында оьзлерден таба Аллагь гёрсетген аламатланы ва муъжизатланы гьакъында хабарлай.

Элчилер 15:2

Павел ва Барнаба о адамлар айтагъан затлагъа рази болмай, олар булан къаныгъывлу кюйде эришип туралар. Сонг Павелге, Барнабагъа ва бир нече иман къардашлагъа бу масъаланы гьакъында сёйлешмек учун, Ерусалимге элчилени ва тамазаланы янына бармакъ тапшурула.

Элчилер 15:22

Сонг элчилер ва ёлбашчылар Исаны бары да якъчылары булан бирге, Павел ва Барнаба булан Антиокиягъа йибермек учун, оьзлени арасындан бир нече адамны сайламагъа токъташалар. Олар Барсаба деп айтылагъан Ягьуданы ва Силаны сайлайлар. Шо эки де адам иман къардашланы арасында абурлулардан санала болгъан.

Элчилер 15:3

Исагъа иман салгъанланы жыйыны йиберген адамлар Финикиядан ва Самариядан оьтегенде, ят халкълардан бирлери Аллагьгъа къайтгъанын айталар. Бу хабар бары да иман къардашлар учун бир уллу сююнч болуп токътай.

Элчилер 15:6

Шону арагъа салып ойлашмакъ учун, элчилер ва ёлбашчылар бирче жыйылалар.

Элчилер 16:4

Шагьардан шагьаргъа барып айланагъанда, Исаны якъчылары Ерусалимдеги элчилер ва ёлбашчылар токъташдыргъан къайдаланы юрютсюн деп олагъа етишдирелер.

Элчилер 18:27

Аполлос Агьаягъа гетмеге сюйгенде, Исаны ондагъы якъчылары ону къабул этсинлер деп кагъыз язып, иман къардашлары ону ругьландыралар. Онда гелген заманда буса, Аллагьны рагьмусу булан Исагъа иман салгъанлагъа о кёп кёмек эте.

Элчилер 21:17

Ерусалимге гелгенде, иман къардашларыбыз бизин кёп сююп къабул этдилер.

Элчилер 21:19

Олар булан сорашгъан сонг, Павел ят халкъланы арасында оьзюнден таба Аллагь этген бары да ишлени тындырыкълы кюйде хабарлады.

Румдагъылагъа 15:18

Шону тартынмайлы айтып боламан, неге тюгюл де мен янгыз, ят халкъланы Аллагьгъа таби этмек учун, Месигь менден таба этген затны гьакъында сёйлеймен. О шону мени сёзлеримден, ишлеримден, муъжизатланы, аламатланы гючюнден ва Аллагьны Ругьуну къудратындан пайдаланып этди. Ерусалимден башлап лап Иллириягъа ерли гьар ерде мен Месигьни гьакъындагъы Сююнч Хабарны билдирип юрюдюм.

Румдагъылагъа 15:7

Шону учун Месигь сизин нечик къабул этди буса, Аллагьны макътавлугъу учун сиз де бир биригизни шолай къабул этигиз.

1 Коринфдегилеге 15:10

Амма, Аллагьны яхшылыгъындан, мен сиз гёреген кюйдемен. О магъа этген яхшылыкъ негьакъ болмады. Мен элчилени барындан да кёп загьмат тёкдюм, гертисин айтсам чы, мен тюгюл, Аллагьны менде болгъан яхшылыгъы загьмат тёкдю.

2 Коринфдегилеге 5:19

Мен айтагъаным, инсанланы гюнагьларын оьзлеге къаршы тутуп турмай, Аллагь Месигьден таба бары да инсанланы Оьзю булан ярашдырды. О бизге шо гьакъдагъы хабарны бары да ерде билдирме тапшурду.

2 Коринфдегилеге 6:1

Биз, Аллагь булан бирликде чалышагъанлар, сизге тилейбиз: сизге савгъат гьисапда берилген Аллагьны зор яхшылыгъы негьакъ болуп къалмасын.

Колосдагъылагъа 4:10

Мени булан бирче туснакъда олтургъан Аристарх да сизге салам йибере. Барнабаны зукъариси Марк да сизге салам йибере. Сиз Маркгъа байлавлу буйрукъланы алдыгъыз. Эгер о сизин яныгъызгъа гелсе, ону яхшы къаршылагъыз.

2 Югьан 1:10

Эгер ким буса да бирев, сени янынга гелип, Иса уьйретеген ёлну гёрсетмей буса, ону уьюнге гирме де къойма, огъар салам да берме.