Эфесдегилеге 4:31 - Сыйлы Китап Янгы Разилешивню

³¹ Гьар тюрлю намартлыкъдан, ачувлулукъдан, къазапланывдан, акъырывдан, яла ябывдан ва оьзге яман ишлерден арек туругъуз.

Эфесдегилеге 4:31 Iomraidhean Croise

Элчилер 21:30

Бютюн шагьар хозгъалышып йибере. Бары да якълардан гелип, халкъ жыйыла. Олар Павелни тутуп, ибадатханадан сюйреп къыргъа чыгъаралар. Арты булан шоссагьат къапуларын да бегителер.

Румдагъылагъа 3:14

Оланы авузлары налатдан ва аччы сёзден толгъан.

1 Коринфдегилеге 14:20

Къардашларым, гьакъылда яшлар йимик болуп къалмагъыз. Яманлыкъда яшлар йимик затны англап битмейген кюйде, амма гьакъылда гьакъылбалыкъ болгъан адамлар йимик болугъуз!

1 Коринфдегилеге 5:8

Бугъар гёре, гелигиз, эсги мая булан, гюнагьны ва яманлыкъны маясы булан тюгюл, таза юреклиликни ва гьакъ гертиликни маясыз экмеги булан Пасха байрам этейик.

2 Коринфдегилеге 12:20

Сизин яныгъызгъа гелген заманда, сиз мен сюеген кюйде болмай табулмагъай эдигиз, мен де сиз сюеген кюйде болмай табулмагъай эдим деп къоркъаман. Сизин арагъызда мен эришивлюклер, гюнчюлюк, оьчлюк, къаршы турувлар, бугьтанчылыкъ, айтды къуйтдулар, оьктемлик ва пакарсызлыкъ булан раслашмагъай эдим деп къоркъаман.

Галатиядагъылагъа 5:20

ялгъан аллагьлагъа къуллукъ этив, халмажчылыкъ, оьчлюк, душманлыкъ, къазапланыв, оьжетлилик, оьз оьзюн оьр тутагъанлыкъ, эришивлюклер, тартышывлар,

Эфесдегилеге 4:22

Алдагъы яшавугъузгъа хас болгъан затгъа, оьзюгюздеги ялгъан гьасиретликлер пуч этеген дёнген инсангъа арт беригиз деп уьйрете эди сизин.

Эфесдегилеге 4:25

Сизин гьаригиз, ялгъанны къоюп, оьзлеге гьакъ герти затны сёйлесин, неге тюгюл биз барыбыз да бир къаркъараны санларыбыз.

Эфесдегилеге 4:26

«Къазаплангъанда, гюнагь иш этмегиз», гюн батгъынча къазапланывугъузну тайдырмагъа къарагъыз.

Колосдагъылагъа 3:19

Гьей эрлер, къатынларыгъызны сююгюз. Олагъа артыкъ къатты болмагъыз.

Колосдагъылагъа 3:8

Гьали буса къазапланывгъа, оьчлюкге, ачувгъа, бугьтангъа ва эдепсиз сёзлеге арт беригиз!

1 Тимофейге 3:11

Кёмекчи къатынлар да шолай абурлу адамлар болмагъа тарыкълар. Олар айтды къуйтдуну юрютмейген, оьзлени енгип сакълап болагъан, бары да затда инамлы болмагъа тарыкълар.

1 Тимофейге 5:13

Мундан къайры да, олар заманны бош оьтгеривге ва уьйден уьйге юрювге уьйренип къалалар. Олар янгыз заманны бош оьтгерип къоймай, дагъы да айтды къуйтдуну сёйлемеге, оьзгелени ишлерине баш сукъмагъа башлайлар ва сёйлемеге тюшмейген затланы сёйлейлер.

2 Тимофейге 2:23

Гьеч бир маънасыз ва агьмакъ тартышывлагъа къошулма, неге тюгюл шолар янгыз эришивлюклер тувдурагъанны сен билесен.

2 Тимофейге 3:3

Олар сюювсюз, юрек тутагъан, яла ябывчу, оьзлени енгип сакълап болмайгъан, вагьши, рагьмуну душманлары,

Титге 1:7

Оьзюне Аллагьны къуллугъу тапшурулгъан ёлбашчы ишинде сёз табып болмасдай болма тарыкъ. О оьктем, къарсалавлу, ичкичи, къалмагъалчы, байлыкъгъа гьасирет гиши болма тюшмей.

Титге 2:3

Шолай да эсли къатынгишилеге юреклеринде Аллагь булан турсун, айтды къуйтду юрютмесин ва ичкичи болмасын деп насигьат бер. Олар оьзгелени тийишли яшав къайдалагъа уьйретсинлер. Жагьил къатынлагъа эрлерин ва яшларын сюеген, айыкъ пикир этеген, оьзлени сав тутуп билеген, уьй къуллукълу, рагьмулу, эрлерине тынглавлу болсун деп насигьат берсин. Шоллукъда, Аллагьны каламы хорланмас.

Якъуб 1:19

Гьар адам тынглама алгъасасын, амма жавап къайтарма, къазапланма алгъасамасын.

Якъуб 3:14

Эгер юрегигизде бек яман гюнчюлюк ва оьз пайдагъыз булан байлавлу къастлар бар буса, макътанмагъыз ва гьакъ гертиликге къаршы ялгъан сёйлемегиз.

Якъуб 4:11

Бир биригизни айыпламагъыз, гьей къардашларым. Иман къардашын айыплайгъан яда огъар дуван этеген гиши Мусаны Къанунун айыплайгъан ва огъар дуван этеген болур. Эгер Къанунгъа дуван этсе, Къанунну юрютювчюсю болмас, дуванчыдай болуп къалар.

1 Петер 2:1

Шолайлыкъда, гьар тюрлю яманлыкъны, гьиллачылыкъны, экиюзлюлюкню, гюнчюлюкню ва бугьтанчылыкъны къоюгъуз.

1 Югьан 3:12

Иблисни айтгъанын этип, инисин оьлтюрген Къабилге ошамагъа герек тюгюлбюз. Къабил инисин не учун оьлтюрген? О амаллары яман экенге, инисини амаллары буса адилли болгъаны саялы ону оьлтюрген.

1 Югьан 3:15

Къардашын гёрюп ярамайгъан адам оьлтюрювчюдюр. Гьеч бир оьлтюрювчюню даимлик яшаву болмайгъанны сиз билесиз.

Вагьий 12:10

Шо заман мен кёклерден гючлю бир тавуш эшитдим. О булай айтды: – Энни Аллагьыбызны къутгъарыву, къуваты булан гьакимлик этивю ва Ону Месигьини къудраты етишди. Гечеси гюню булан Аллагьыбызгъа бизин иман къардашларыбызны сёгюп тургъан айыплавчусу кёклерден тюшюрюлдю.