1 Петер 3:11 - Сыйлы Китап Янгы Разилешивню

¹¹ О яманлыкъдан ари турмагъа ва яхшылыкъ этмеге герек, парахатлыкъ ахтармагъа ва шогъар етишмек учун къаст этмеге герек.

1 Петер 3:11 Iomraidhean Croise

Маттай 5:45

Шолайлыкъда, сиз кёклердеги Атагъызны авлетлери болурсуз. Неге тюгюл де, О гюнешге яман адамланы да, яхшы адамланы да уьстюнде тув деп буйрукъ этедир, муъмин болгъанлар учун да, гюнагьлылар учун да янгур явдурадыр.

Маттай 5:9

Насиплилердир ярашывлукъ учун чалышагъанлар! Олагъа Аллагьны авлетлери деп айтылажакъдыр.

Маттай 6:13

Бизин артыкъ сынавлагъа салма, иблисден де бизин сакъла.

Марк 14:7

Пакъырлар даим сизин яныгъызда болажакъ, не заман сюйсегиз де, олагъа яхшылыкъ этмеге болажакъсыз. Мен буса даим яныгъызда болмажакъман.

Лукъа 1:79

Бизге парахатлыкъны ёлун гёрсетежек.

Лукъа 6:35

Сиз буса шолай этмегиз. Сиз оьзюгюзню душманларыгъызны сююгюз, олагъа кёмек этигиз ва къайтарар деп умутламай, борчгъа беригиз. Сизге шо заман Аллагь разилигин гёрсетежек ва сиз Аллагьу Тааланы авлетлери болажакъсыз, неге тюгюл О яхшылыкъны билмейгенлеге де, яманлагъа да бир йимик яхшыдыр.

Лукъа 6:9

Шо заман Иса дин алимлер булан фарисейлеге: – Мен сизге сорайман: сонгугюн не этме ярай? Яхшылыкъмы яда яманлыкъмы? Жанын къутгъарма герекми яда оьлтюрме герекми? – дей.

Югьан 17:15

Сен оланы бу дюньядан алсын деп тилемеймен, оланы иблисден сакъласын деп тилеймен.

Румдагъылагъа 12:18

Сизден нечакъы асылы болагъан чакъы бары халкъ булан парахатлыкъда яшагъыз.

Румдагъылагъа 14:17

Неге десе, Аллагьны гьакимлигини тюбюнде яшамакъ – ашамакъ ичмеклик булан байлавлу зат тюгюл, Аллагьны Ругьу савгъат этип береген муъмин яшавда, парахатлыкъда ва сююнчде.

Румдагъылагъа 14:19

Шолай болгъанда, биз оьз арабыздагъы парахатлыкъгъа ва бир биревню къурашдырагъан затгъа багъып талпынайыкъ.

Румдагъылагъа 5:1

Булайлыкъда, Аллагь бизин иманыбыздан таба къабул этди. Раббибиз Иса Месигьден таба биз Ону булан ярашдыкъ.

Румдагъылагъа 7:19

Этмеге сюеген яхшы затны этмеймен, этмеге сюймейген яман затны буса этемен.

Румдагъылагъа 7:21

Шолай болгъанда, мен оьзюмде бир къанунну ачгъанман, демек, мен яхшылыкъ этме сюйсем, яманлыкъ чыгъып токътай.

Румдагъылагъа 8:6

Оьзюне гюнагьлы табиат ёлбашчылыкъ этеген гьакъыл оьлюм гелтире. Аллагьны Ругьу ёлбашчылыкъ этеген гьакъыл буса яшав ва парахатлыкъ гелтире.

Галатиядагъылагъа 5:22

Амма бизин яшавубузда Аллагьны Ругьуну емиши будур: сююв, къуванчлыкъ, парахатлыкъ, сабурлукъ, рагьму, чомартлыкъ, аминлик,

Галатиядагъылагъа 6:10

Имканлыкъ берилген чакъы заман инсанлагъа, айрокъда иман къардашларыбызгъа яхшылыкъ этейик.

Колосдагъылагъа 3:15

Месигь береген парахатлыкъ юреклеригизни тюз ёлгъа салсын. Сиз чи бир къаркъараны ортакъчылары болуп, парахатлыкъда яшама чакъырылгъансыз. Шюкюрлю де болугъуз!

1 Тимофейге 6:18

Оланы яхшылыкълар этмеге, яхшы ишлери булан бай болмагъа, чомарт болмагъа ва малындан пай чыгъарма гьазир болмагъа уьйрет.

Ягьудилеге 12:14

Бары да халкъ булан парахатлыкъда яшама къасткъылыгъыз. Таза юрек булан яшама къасткъылыгъыз, неге тюгюл де шосуз бирев де Раббибизни гёрюп болмас.

Ягьудилеге 13:16

Бирев биревге кёмек этме ва башгъалагъа пай чыгъарма унутуп къалмагъыз. Аллагь шолай къурбанланы сюе.

Якъуб 4:17

Шогъар гёре ким буса да бирев, яхшылыкъ этмеге герекни де биле туруп, шону этмей буса, о гюнагь иш этеген болур.

1 Петер 3:12

Неге тюгюл де, Раббибиз муъминлеге тергев бере ва оланы дуаларын эшите, амма яманлыкъ этегенлеге О арт бере.

3 Югьан 1:11

Сююмлю къурдашым! Яманлардан уьлгю алма, яхшылардан ал. Яхшылыкъ этеген адам Аллагьныки, яманлыкъ этеген буса Аллагьны бир заманда да гёрмеген.