Tibɔkpiirkaan 8:7 - UWONBƆR A GBƆNPƆŊ LIKƆƆNL

⁷ Le chinchinn a malaka pee u naatuŋ, le itanyunbɔl nin nŋmi ŋmarin nin ncham ki lunn kutingbɔŋ nan bu. Le kutingbɔŋ bɔgir nkerim mitaa le nkerim nba gaa nŋmi, le isiig bɔgir nkerim mitaa le nkerim nba gaa nŋmi, le timɔsɔɔn biɛn gaa nŋmi.

Uwumbɔr aagbaŋ

⁷ Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.

Tibɔkpiirkaan 8:7 Iomraidhean Croise

Jemisi 1:11

Babu nween pɔɔ wee ntuton nin fa kisiigin ke, npuumin koor le ki lu le mi ŋamin bii. Man mu le ni ye ki sei uwandaan, n-yonn man wee u tiɛr ke u toon li jo nintogilin, iyaayoo le u kpeg.

1 Piita 1:24

Ni ma bu “Bininfob biɛn nann timɔɔr le, le bi pag biɛn nann nmɔɔpuum man be kulɔŋ; timɔɔr koor le, le nmɔɔpuum mu lur,

Tibɔkpiirkaan 12:4

Le kutunwiɛŋ nmɔn ta u jool ki tigin iŋmabil a bɔgirim a poolin mitaa nkerim nba ki jaa kutingbɔŋin, le kutunwiɛŋ nmɔn jon tan si upii wan yin maa nmɔn a nintogil ki guu, ke upii nan maa ke un ŋman kibiliɛgin.

Tibɔkpiirkaan 16:2

Le chinchinn a malaka-n jon ki tan kpaar nan be u yiigin ki jaa kutingbɔŋ bu, le ibiɛ yan bir, ki wu takpemin choo ban jɔɔ kuwanbiigin a daagimin nin ban jiɛn kuwanbiigin a nunaŋin.

Tibɔkpiirkaan 16:21

Le itanyunbɔl gbingbem nyann kitilangbɔŋin ki kpiɛg ke linaalin, ki nan lur bininfob bu. Le bi poog imɔɔŋ ki jaar Uwonbɔr waah che limagil lan lur bi bu-n bu, nan bu-n limagil nmɔn nan bir pam.

Tibɔkpiirkaan 6:8

Le n lig ki kan utanpeen lalag! Le wan jig utaan nmɔn a yinl ye Nkum, le Kitakpiin tiŋ yaab nɔɔ u bɔɔn ki mal u. Le Uwonbɔr sei bi npɔɔn ke bin ku dulinya nan a ninfob nbɔgirim mina a poolin nkerim nbau, ke bin ta takoobi, nin nkom, nin iwiɛn, nin dulinya nan a wan bir ki ku bi.

Tibɔkpiirkaan 7:1

Ni bɔɔn bu le n kan malakam bina kaah si dulinya nan a logi ina-n yaan ki choo nfaam man nyan ilog ina-n nin ŋmag ke mi laa daar kɔɔ kutingbɔŋin ni bee limɔgilin ni bee ki daar busub bu.

Tibɔkpiirkaan 9:15

Le u nan lor malakam ban pii nan ŋa sili ki guu isaŋ, nin lidaal, nin li ŋmalu, nin libinl nmɔn ke bin ku bininfob a bɔgirim nkerim mitaa a kerim nba-n.

Tibɔkpiirkaan 9:18

Le imag itaa yan ye nŋmi nin tikpinnyir nin lichibil yan nyan itaan a mɔɔŋi ni nan ku bininfob a bɔgirim nkerim mitaa a kerim nba.

Tibɔkpiirkaan 9:4

Uwonbɔr nan bei bi ke bi laa sei dulinya nan a mɔɔr bee tiwann bu wan bee isiigi kidaŋi, amaa bin sei bininfob ban kaa jɔɔ Uwonbɔr a daagim bi yutun bu-n a binba.