Tibɔkpiirkaan 5:9 - UWONBƆR A GBƆNPƆŊ LIKƆƆNL

⁹ Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Uwumbɔr aagbaŋ

⁹ Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

Tibɔkpiirkaan 5:9 Iomraidhean Croise

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 26:28

N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

1 Korenti 7:23

Uwonbɔr daa ni le ki yɔn; Mambu ni laa ji ŋa bininfob a yomi yi.

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 5:19

Ni li pag tenn tab nin ilan na, liwonpagil a lan, nin Kinaaŋ a lan. Ki li gaah ilan ki pagir Uyudaan ni sufu-n na,

Kolosiya 1:14

U big nmɔn le sei ti nkpenim a manug kan ye tibir a jiɛn per.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 11:14

Bininfob ban pag man nin nmɔn wɔɔn ke bi ban kitiŋ kan ye bi tɔɔl yaag le.

2 Piita 2:1

Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

Tibɔkpiirkaan 10:11

Le bi nan beim ke, “Ni kpaa le nin a pag ilinlen leen ki jiin bininfob, nin ibol, nin ileen balbal, nin bibɔrtiib paam takpem.”

Tibɔkpiirkaan 11:9

Le bininfob na li nyan imaal biɛn, nin ileen balbal biɛn, nin ibol biɛn nin, ki nan lig bi gbanann nmɔn iweehn mun itaa nin ligenl amaa kaa yin chee bin pii tigbanann nmɔn ni.

Tibɔkpiirkaan 13:7

Bi nan sei u npɔɔn ke un kɔnn Uwonbɔr a ninfogannkaab wee ki nyaŋ bi. Le bi ji sei u tininkper a pɔɔm ke u li ye imaal, nin bininfob, nin ileen, nin ibol biɛn.

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.

Tibɔkpiirkaan 14:6

Le n kan malaka uba kaah be paab ki yugir, ki ŋmag tibɔŋann tan kaa diɛrin ke un pag sei bininfob ban be kutingbɔŋ nan yaan, ibol, nin imaal, nin ileen nin bininfob biɛn.

Tibɔkpiirkaan 15:3

le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 17:15

Le malaka nmɔn beim ke, “Nnyum man wee a nan kan nin, wee lipiijagɔɔrilin ka mi bu-n, ye bininfob le, kuninfogbaluŋ, ibol nin ileen balbal.

Tibɔkpiirkaan 4:11

“Ti Yudaau Uwonbɔr, a sin kpaan, a gaa kupag nin jilima nin npɔɔn na nan bu-n fin le nan naan niwann biɛn, a bam bu le bi nan naan niwann biɛn, le ki fo be.”

Tibɔkpiirkaan 5:12

Ki gaah ilan nin ikukɔl yan pɔɔ ki ke, “Kipeebig kan wee bi nan kɔrin le kpaan, nin un gaa npɔɔn nin lifaal, nin nlamgɔrikaam, nin ngbananpɔɔn, nin jilima nin kupag nin ndom!”

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.