Tibɔkpiirkaan 4:8 - UWONBƆR A GBƆNPƆŊ LIKƆƆNL

⁸ Tiwann naan wan tan fo tina nmɔn biɛn nan jɔɔ tikpinkpann tiloloob, le bi gbanann biɛn ye inunbil, hali nin bi ŋmiɛn nin na. Le nween nin kunyiɛg biɛn baa jiɛn ni le ki ke, “Kasi, kasi, kasi, le ye Uyudaan Uwonbɔr Npɔɔn biɛn daan, wan nan be, ki la be, ki la yin dan.”

Uwumbɔr aagbaŋ

⁸ Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

Tibɔkpiirkaan 4:8 Iomraidhean Croise

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

2 Korenti 6:18

“Wee N li ye ni Baa, le ni mu li ye N naachim nin N bisiɛm, Uyudaan wan jɔɔ npɔɔn le len man.”

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Timoti 4:16

Li nyi a ba bu, ki li ŋmag a wɔɔmin nbamɔm. Li jɔɔ inunman bi bu, nan bu-n ni ye a ŋaan man ke, a li fee a ba nin ban pelig a wɔɔm nmɔn ki jaa.

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Hiibru Yaab 13:8

Yisa Masiya kaah won be man won nin yaan nin, u le be man le dinan, u le yin gbaa be man le nin iyoo yan kaa jɔɔ diɛmi.

Tibɔkpiirkaan 1:4

Min Jɔnn, le sɔb kugbɔŋ nan ki tenn biwonjiɛm a laginn tilile tan be Asiya a yerin ni: Linyunyunbasanl nin nposɔɔn lan nyan Uwonbɔr ban li be nin ni, Uma wan be, nin wan nan be, nin wan yin dan, ki ji nyan ntinaam milile man be u naangbɔŋin u nintogilin li be ni ban.

Tibɔkpiirkaan 1:8

“Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 11:17

ki len ke: “Ti tenniŋ kunɔɔpoog, Uyudaan Uwonbɔr wan jɔɔ npɔɔn biɛn, Wan pii nan be ki le la biɛ nin be, nan bu-n a gaa a pɔɔm man yaba le ki piin a naam a ŋmagim.

Tibɔkpiirkaan 14:11

Le bi fala a jim a ŋmiim a kpinnyir na li dug ki do paab hali nin isaŋ yan kaa jɔɔ ndiɛm. Lifooril kaa na li be nween bee kunyiɛgin ki sei ban jiɛn kuwanbiigin nin kuwanbiig nmɔn a nunaŋin, bee ban ga kuwanbiig nmɔn a yinl a daagimi.

Tibɔkpiirkaan 14:3

Le bi nan gaah ilan pɔɔn kunaangbɔŋin nin tiwann naan wan tan fo tina-n nin bininkpeebin a nintogil. Uba kaa nan li fir ki tinn ilan nmɔn ni, see bi ma bininfob turikobigin nin turpina nin turina ban nan kan nŋmarim dulinya nan yaan nin a binba.

Tibɔkpiirkaan 15:3

le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 15:7

Le tiwann naan wan tan fo tina-n a ni uba ta salima a yir tilile tan gbee nin Uwonbɔr wan be wee ki li gbaa be kaa jɔɔ kumin a ŋuufiiŋin ki sei malakam bilile nmɔn.

Tibɔkpiirkaan 16:14

Bi ye npɔniim a naam ban ŋaan ligaril a siɛra, le bi chaa dulinya munl nan biɛn a bɔrtiib ban, ki lagin bi ke bin to bitɔb Uwonbɔr Npɔɔn biɛn daan a datakpenl daal.

Tibɔkpiirkaan 16:7

Le n gbir likukɔl kaah nyan libinbinlin ban ki len ke, “Nn, Uyudaan Uwonbɔr Npɔɔn biɛn daan, a bɔjil ŋan le ki ye ibamɔn.”

Tibɔkpiirkaan 19:15

Le takoobi kan ka nyan u mɔn, le u li ta ki kɔn nyaŋ ibol. “U li ta kukurug a jaangbiɛg ki ŋmag bi.” Ki li taan bi ke baah taan isiloon a daam man nin, ni ma ye Uwonbɔr wan ye npɔɔn biɛn daan a ŋuul nin u ŋuufiiŋ.

Tibɔkpiirkaan 19:4

Le bininkpeeb pilee nin bina nin tiwann naan wan tan fo tina-n sɔɔn tum ki jiɛn Uwonbɔr, wan nan ka u naangbɔŋ bu-n. Le bi kuun ke, “Ibamɔn, Ti don Uwonbɔr a yinl!”

Tibɔkpiirkaan 21:22

Maa nan kan iwonjiɛn niin kitiŋ nmɔn yaan ni, nan bu-n Uyudaan Uwonbɔr Npɔɔn biɛn daan nin Kipeebigin le ye ki wonjiɛn niin.

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.

Tibɔkpiirkaan 4:4

Le tinaangbann pilee nin tina nan gɔɔn kunaangbɔŋ nmɔn, le bininkpeeb pilee nin bina nan ka ti bu. Bi nan yee tiwann penn le ki chig salima a naam a yuchigirim bi yuli bu.

Tibɔkpiirkaan 4:6

Le niwann niba mu nan be kunaangbɔŋ nmɔn a nintogil ki nann niɛnu a maar tan yaalin ke limɔgilin. Niɛnu a maarin a sisiigin, kunaangbɔŋ nan be, le tiwann naan wann tan fo tina nan be ki gɔɔn ki. Le bi bɔɔn nin bi nintogil biɛn nan ye inunbil.

Tibɔkpiirkaan 4:9

Ni ye tiwann naan wan tan fo tina-n nan sei wan ka kunaangbɔŋ bu ki gbaa be kaa jɔɔ diɛmin kupag, jilima nin ipoor ke,

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.

Tibɔkpiirkaan 6:1

Le n kan Kipeebigin kaah tabir chinchinn a wan tabin waŋ mulile-n a poolin. Le n gbir tiwann naan wann tan fo tina-n a ni uba a kukɔl kaah tann papaab ke utaalin ki ke, “Dan!”

Tibɔkpiirkaan 6:6

Le n gbir tifur tiba le ti nann likukɔl ki nyan tiwann naan wann tan fo tina nmɔn a sisiigin ki len ke, “Iyoo a kuliba kuba ye utoontunn a ween nba a yɔr le, ikɔɔn mu a kuliba itaa mu ye utoontunn a ween nba a yɔr, amaa laa bii nkpam nin ndaami!”

Tibɔkpiirkaan 7:11

Malakam biɛn nan si le ki gɔɔn kunaangbɔŋin, nin bininkpeebin nin tiwann naan wann tan fo tina-n. Le bi nan lu ki ta bi num chigin tum kunaangbɔŋin a nintogil ki jiɛn Uwonbɔr

Tibɔkpiirkaan 7:15

Mambu, “Bi be Uwonbɔr a naangbɔŋin a nintogil le ki tun tenn Uwonbɔr nween nin kunyiɛg u wonjiɛndiigin; le wan ka kunaangbɔŋ bu-n li nyann u nanboŋin ki piin bi bu.