Tibɔkpiirkaan 4:4 - UWONBƆR A GBƆNPƆŊ LIKƆƆNL

⁴ Le tinaangbann pilee nin tina nan gɔɔn kunaangbɔŋ nmɔn, le bininkpeeb pilee nin bina nan ka ti bu. Bi nan yee tiwann penn le ki chig salima a naam a yuchigirim bi yuli bu.

Uwumbɔr aagbaŋ

⁴ Le ŋijal moninko ni ŋinaa mu si gob libɔrjal ngbaan. Bininkpiib moninko ni binaa mu ka ŋijal ngbaan pu, ki pee tiwanpiln, ki chik salmaa aayikpupur.

Tibɔkpiirkaan 4:4 Iomraidhean Croise

Matiu 19:28

Le Yisa bei bi ke, “N bei ni ibamɔn le, n-yonn man wee Uninfosaal a Big nan kal u naangbann bu nin npɔɔn takpen, dulinya pɔŋ n-yaan ke, nim ban ye n bɔɔnɔɔb nan mu na yin kal tinaangbann piig nin tilee bu le, ki li ji Iziral yaab piig nin bilee a bɔr.

Tibɔnyaan ti Luk ŋmee ti na 22:30

wee ni li fir ji ki nyu n ban n naamin, ki nan kal tinaangbann bu ki ji Iziral yaab a bol piig nin ilee-n tibɔr.”

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Tibɔkpiirkaan 11:16

Le bininkpeeb pilee nin bina ban nan ka bi naangbann bu Uwonbɔr a nintogilin lu ki ta binum chigin tum ki poor Uwonbɔr,

Tibɔkpiirkaan 14:3

Le bi nan gaah ilan pɔɔn kunaangbɔŋin nin tiwann naan wan tan fo tina-n nin bininkpeebin a nintogil. Uba kaa nan li fir ki tinn ilan nmɔn ni, see bi ma bininfob turikobigin nin turpina nin turina ban nan kan nŋmarim dulinya nan yaan nin a binba.

Tibɔkpiirkaan 19:14

Le paab a tɔtogib nɔɔ u, ki jig itanpeen ki yee itan ŋan yan peen ki be chasi.

Tibɔkpiirkaan 19:4

Le bininkpeeb pilee nin bina nin tiwann naan wan tan fo tina-n sɔɔn tum ki jiɛn Uwonbɔr, wan nan ka u naangbɔŋ bu-n. Le bi kuun ke, “Ibamɔn, Ti don Uwonbɔr a yinl!”

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 20:4

Iyaayoo le n kan tinaangbann, le bi sei ban ka ti bu-n tininkper a pɔɔm ke bi li ji tibɔr. Le n kan baah nan tugir ban a yuli yin a naam, baah nan jin Yisa a siɛra nin Uwonbɔr a mɔleen n bu. Baa nan jiɛn kuwanbiigin bee ki nunaŋi, kaa gaa ki daagim bi yutun bu bee bi nɔɔi bu. Bi jirin bi miɛfolin le bi ma nin Yisa lagin ŋmag nnaam ibin turil.

Tibɔkpiirkaan 3:18

Mambu n kpaan ni le ke ni daam salima kan pul nŋmi-n wee ki mann nin n ban, wee ni ŋa biwandam; ki ji daa tiwann yɔɔr penn tan wee ni li yee, ki fir degin ni fai naah gaan nin bu; wee ki daa nnunkpam n ban ki li balig wee ki ga.

Tibɔkpiirkaan 4:10

bininkpeeb pilee nin bina-n lur wan ka kunaangbɔŋin bu n yaa taatum le, ki jiɛn uma wan be wee kaa jɔɔ diɛmin. Bi chigir bi naam a yuchigirim le bil kunaangbɔŋin yaan ki len ke:

Tibɔkpiirkaan 4:6

Le niwann niba mu nan be kunaangbɔŋ nmɔn a nintogil ki nann niɛnu a maar tan yaalin ke limɔgilin. Niɛnu a maarin a sisiigin, kunaangbɔŋ nan be, le tiwann naan wann tan fo tina nan be ki gɔɔn ki. Le bi bɔɔn nin bi nintogil biɛn nan ye inunbil.

Tibɔkpiirkaan 5:11

Le n lig ki gbir malakam takpem a kukɔli, le bi kanl ye turil turil, nin turpiig a turpiig. Le malakam nmɔn nan gɔɔn kunaangbɔŋin nin tiwann naan wann tan fo tina-n nin bininkpeebin.

Tibɔkpiirkaan 5:14

Le tiwann naan wann tan fo tina-n len ke, “Ibamɔn” le bininkpeebin sɔɔn tum ki jiɛn Uwonbɔr.

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.

Tibɔkpiirkaan 5:8

Waah nan gaa kugbɔŋ nmɔn ki diɛ-n, le tiwann naan wann tan fo tina-n nin bininkpeeb pilee nin bina-n sɔɔn tum Kipeebig nmɔn a nintogil. Bi biɛn nan jɔɔ tibiɛr le nin salima a yir, le nnyɔgkusim gbee bi sam nmɔn yaan, ki ye Uwonbɔr a ninfogannkaabin a wonmiɛl.

Tibɔkpiirkaan 6:11

Le bi nan sei bi biɛn daalapeen fufɔbir, ki bei bi ke bin guur wamau hali nin bitoontum tab nin bi nabum ban wee bi na yin ku ke baah nan ku bi miɛnin man nin a kanlin nan foo.

Tibɔkpiirkaan 7:11

Malakam biɛn nan si le ki gɔɔn kunaangbɔŋin, nin bininkpeebin nin tiwann naan wann tan fo tina-n. Le bi nan lu ki ta bi num chigin tum kunaangbɔŋin a nintogil ki jiɛn Uwonbɔr

Tibɔkpiirkaan 7:9

Ni bɔɔn bu le n lig ki kan kuninfogbaluŋ n nintogil ban wee uba kaa li fir kan bi kanli, bi nan nyan ininfobool, nin imaal, nin bininfob, nin ileen biɛn nin le, ki si kunaangbɔŋin ban Kipeebigin a nintogil. Bi nan yee tiwanpenn le ki ŋmag tikpikpagbann bi nɔɔn.

Tibɔkpiirkaan 9:7

Itɔɔn nmɔn nan nann itaan yan wee bi ŋai bitɔb a sili-n le. Bi nan chig niba bi yuli bu le ni nann salima a naam a yuchigirig, le bi num paam nann bininfosaalib a num paam.